[游记]天水围城(幻想日记)

天水圍城

幻想 | 2nd Oct 2006, 03:20 | 日記 | (47 Reads)

李克勤新歌天水圍城歌詞,入面d野講得好岩,留意紅色的部分

曲：Edmond Tsang
詞：林夕
編：Ronald Fu

圍住了的血汗 圍住了的跌宕 圍住了當初的厚望
圍住了的駭浪 圍住了的症狀 圍住了才易碰撞
他的一對父母來又往 跨鄉過岸才住 這麼一角
越來越惡

圍住了冰雹 圍住了刻薄 圍住了爭吵的配樂
圍住了升學 圍住了收獲 圍住了便了解何謂罪惡
自成一國 但見他 找尋快樂
然後卻 越來越渴 越來越覺
沒能力去闖出沙漠

誰策劃這寸地尺土
人擠逼中便容易退步
他 親身真正感到
尺地寸金 人便會無餘地平和獨舞
要見步行步
無車票又怎去覓去路
赤地太濕 這地球沒芳草
文明繁盛有甚麼好

圍住了可向下 圍住了可向上 圍住了都可找對象
圍住了可以做 同伴裡的偶像 圍住了沒電腦可思想
氣候太涼 像殘酷得天生等天養
怨恨 暴燥 壓抑 唯有 記住
人靜便心涼

誰策劃這寸地尺土
人擠逼中便容易退步
他 親身真正感到.
尺地寸金 人便會無餘地平和獨舞
要見步行步
無車票又怎去覓去路
赤地太濕 這地球沒芳草
仍然留在故地多好

願國寶 領會到 沒看倌 仍獨舞 唯願他
能跟相戀的共同上路

誰憑權力照料 這寸地尺土 難為他不管平日惡耗
他 親身感覺得到
尺地寸金 人便會無餘地平和
獨舞要見步行步
無車票又怎去覓去路
赤地太濕 這地球沒芳草
全憑勤力上路.

圍住了的國度 圍住了的血路
圍住了他都肯照做 牆沒有給拆掉
城沒有給棄掉 牆令到他攀登進步

我地破壞得個地球太多了.....周圍都係高樓大廈,人類的建築,就好似歌名"天水圍城"咁,唔通咁樣我地都會過得快樂?唔通我地既世界只有我地?唔通我地真係覺得我地係萬物之靈?唔通我地做一樣野既時候係唔識得掉返轉頭諗下人地既感受?唔通我地為求生存就真係要放棄人與人之間既感情?唔通我地係唔識得為下一代著想?唔通我地真係咁短視,要將自已迫上絕路先安落?唔通我地真係要攪到有乜野怨恨,暴燥,就只可以壓抑係個心入面?唔通明知一件事係錯既都仲要臣服係現實下而繼續錯落去?唔通我地每一日一起身就見到d虛偽既人就會覺得好開心?唔通我地

當我聽到下面呢段

尺地寸金 人便會無餘地平和獨舞
要見步行步
無車票又怎去覓去路
赤地太濕 這地球沒芳草

既時候,我真係有少少心酸,我地係上帝賜比我地既土地上面愈起愈多野,周圍都只係屬於我地既事物,地球真係冇哂芳草,攪到"尺地寸金",行都冇地方可以行,成世人都被迫屈服係"現實"兩個字底下,比個"錢"字玩死,唔通呢d叫做人生?

不過呢d可以就係人既本性,人會覺得咁樣先好玩,就好似我咁,我既夢想係做科學家,但係科學家所做既野就係幫返人類去建立一個更加美好既國度,所以我根本就係做緊一d自相矛盾既野,但係我完全冇覺得後悔,到目前為止我對科學仲係充滿熱誠,而且有增無減,你話我係咪已經犯哂所有上面隻歌所有既錯事?

呢個完全矛盾既問題已經存在係我腦入面好耐,可惜仲未搵到一個解決既方法,不過我唔希望第二個人幫我解決呢個問題,因為我相信哲學思維係自已的,一定要靠自已摸索,人地既哲學思維唔可以放係你身上,反之都係

連同上面呢個難題,我既人生目前為止有三大難題:

1.如何解決二律背反的問題,即以上的問題

2.如何利用矩陣解決扭計骰問題

3.到底存在與否一數學方法,使得不需透過構造通項的方法來把任意函數n次求導

不過無論如何我都唔會放棄科學,其他野可以消失,但係科學一定一定要存在係我既世界入面

最後推介李克勤-天水圍城比你聽!d音樂同d歌詞真係好夾