[游记]满天星斗的天空

2008/3/27

在一寺廟內看見的花，好得意，像個吊鐘般，倒掛著。

與家人去咗綠揚坊南翔小籠包食午飯，雖說是午飯，但已是二點半了！這是復活節假期最後一天，不太多人，不用等已可入座。

上了一壺茶，有點玫瑰花味。

樽醋一倒出黎發現一隻小昆蟲，連忙換過隻碟換過樽醋。

由落單到上第一個菜，足足等咗20多分鐘！

這個椒鹽腰果酥真的很趣怪，不過那層外皮很香芝麻味，幾脆口，惟內面的材料吃不到腰果的味道。

薺菜松茸炒年糕不過不失，沒有太大的驚喜。

酸甜魚塊唔粉，份量都唔少。炸饅頭好味呀！外皮好脆，唔油！

菜肉包都幾足料，唔太乾身。

上海粗炒OK呀，材料雖然簡單，但炒出嚟好美味！酸辣麵真係好差囉，一酸辣味都冇！

鮮肉小籠包個包頭好厚呀!

最後係個高力豆沙，好軟熟，趁熱，好味！

17:05 | | | | 0 | |

2008/3/20

The Bucket List

入場已經過了十分鐘，唔知有冇重要嘢miss咗！但睇完場戲，好鍾意！我完全鍾意呢類劇種。故事講兩個老年人因身患絕症在醫院相遇，一為有錢人，畢生為賺錢而活，另一則終身為生活及家庭奔波。在醫院治理中，得知大家也只餘幾個月生命，大家頓覺在生命的最後光陰，希望做些從未做過的事，所以草擬了多項事情，兩人一起按list上的事情去做。List上的事情包羅萬有，第一樣好搞笑的，是sky diving，睇到幾驚心動魄！接著是駕著賽車在賽道上比試，之後係去世界各地欣賞各處風景，如坐在埃及金字塔上欣賞日落，在萬里長城上駕著電單車，到印度泰姬陵參觀入內的裝潢，登上喜瑪拉雅山之顛，在一高級餐廳享用美食美景等。會發現，老年人都有老年人想追求的夢想。戲內，在他們追求夢想的同時，也存在不少發人深省的對話。雖然最後他們都要到極樂世界，但身前都盡一切能力，去令自己無憾，也完成了list上所列的所有事情。故事很是感動，老人引據的一番話「身前你有冇做過令自己開心既事？你有冇將呢件開心既事影響別人？」帶動整個主題。