[游记]新加坡游记之.自由行篇

引用檢舉新加坡遊記之...自由行篇

網誌分類：愛情白日夢 |

網誌日期：2006-07-15 09:45

雖然叫係叫做五日四夜的行程，不過真實可以用的時間我想大約只有三日兩夜，因為我跟男友都太懶、太愛睡，所以每天醒來已是日上三竿，不過，阿Q啲諗，這樣才是一個relaxing嘅假期嘛。

雖然上年同一時間我跟男友都在新加坡，不過我們今次也做了一些遊客應做的事:

到達新加坡之後的第二天，我們約了一位大學舊同學見面，連埋他的太太在內一行四人就由午餐玩到晚餐時間，做了的遊客活動是坐cable car及shopping。

這就是往Sentosa的cable car，由於我們上年已到過Sentosa玩咗一日，所以今年就選擇淨遊cable car河，因為上年這時候cable car正在upgrade中，冇得坐，今年終於有機會，而且更新增了玻璃底cable car(就是以下一架)，雖然坐玻璃底貴啲，不過我們四人都未坐過，所以就專登試吓，架玻璃底cable car除了有落地玻璃之外(其他唔係落地玻璃，睇後面嗰架就知)，就連腳底嗰個位都係玻璃(不過好濛)，玻璃底cable car數目比較少，好似得兩三架，所以要坐就要俾啲耐性等。

遊cable car河途中見到的郵輪，兩艘都跟香港那艘雙魚星一樣屬同一集團。細的好似叫雙子星，大的處女星。

大約一年前，cable car公司開始搞cable car上的浪漫晚餐，以下是promote這項活動而做的Lego模型。

遊完cable car河之後我們去了血拚，到了幾個mall，我都不大記得名，肯定到過的有Marina Square，Suntec City(是新加坡最大的mall，有四期呢)及Wisma Atria(好像是較新的一個mall，好近Grand Hyatt)。

第三日，只有我跟男友兩人自由行，我們就做了一件非常遊客的事，就係參加Singapore Ducktour，十多元一位(當然講緊SGD)，一個鐘頭一班，個tour其實係坐一架戰時嘅水陸兩用車遊一遊新加坡(不過其實唔係睇到好多嘢，不過好得意)，我們又遇到一個好搞笑的guide，所以覺得好值得坐。

出發喇......

呢隻是我哋坐嘅duck，有名架，不過唔記得咗...

呢隻係另一隻duck，在水中央......

玩完ducktour唔知做乜好，因為當晚朋友介紹了一間在marina區的餐廳，所以我哋決定留喺Suntec City(ducktour基地)等到晚餐時間去食飯，不過可能新加坡shopping不太吸引，於是我哋去咗睇戲，睇當時香港未做的Superman Returns(仲要係數碼輸出版)，好平呀(好似港紙三十幾蚊)，間戲院都唔錯。

其實我冇諗過去睇戲......

我哋今次都有去魚尾獅，雖然未去新加坡之前都知佢沖緊涼，不過覺得機會難逢，所以都要影吓佢出浴照......

Excuse me while I take a shower......

以上就是我在那幾天做的遊客活動，第四天我跟男友去逛Wheelock Place的Borders書店(算好大間...如果香港都有一間就好喇...)，因為男友想看看有沒有香港冇得賣的汽車書，只可惜多就幾多，不過睇啱嘅就好殘，買唔落手，反而我就買到兩本小說，連稅都竟然平過香港。

雖然不是去過很多地方，不過我也非常滿足喇，因為其實新加坡好細，可做的不多呢。