[游记]4*15/4/2007红海潜水+埃及游记

一生人係咪應該最少要去一次紅海潛水？
我去完返黎，但都答唔到呢條問題．．．

今次係第一次玩凍水既liveaboard，紅海水溫21-23度，要著5mm．
原來單係講呢件5mm已經俾佢玩死！
呢次liveaboard一日只有三個日潛，夜潛就唔係日日有既．我地去開東南亞一日玩5-6個dive，聽落更係唔夠喉啦！但原來一日著／除三次5mm wetsuit，係超級倦既，每次下潛前著衫都好似慘過擔泥咁樣．．．

紅海潛水既感覺同去東南亞潛水好唔同，睇既魚種好唔同，唔係好多細魚，但又有好多大魚（咁D細魚同中size既魚去左邊呢？ ）．而睇既珊蝴顏色種類數量都係好唔同既．係一種完全唔同既感受，真係好難解釋．

今次潛紅海都好大風，其實日頭陸地溫度可以話有26-28度咁上下，但吹既海風好大好凍（成海都係白頭浪），上水除衫果下係好似香港陸地得13-15度咁樣．．．

今次呢個紅海trip見左好多野，單係鯊魚已經有hammerhead，長尾鯊，silvertip shark，guitar shark．另外仲有electric ray，好多之前只係嚮魚街先見到既吊同蝶魚．最特別既仲有3.5m長既美人魚海牛． 估唔到有機會見到面！

_________________
能否幫助解决問题在乎能力,盡没盡力在乎態度．