[游记]2007红海潜水+埃及游记

呢個dive好特別，因為就係為左搵海牛．．．．
個DM話呢個site有一兩隻海牛，經常嚮呢個site既某個位食海草，要我地每group人一字排開向淺灘游做地氈式搜索．
不過原來都唔係易搵，因為個底係沙泥底，同埋原來海牛一路食一路行（都行得幾快），攪起D沙都幾濁下．

我見到幾時候反而覺得比想像中細．
不過呢個dive踢fin真係踢到死，因為幾十人圍住條海牛，水好濁．為左影呢張background完全冇人既相，唯有等佢升水斗氣既時候嚮下面狂追（佢真係游得好快！ ）等佢再落返沙面．
呢個dive既運動量真係好夠．．．

呢個dive原本仲有guitar shark同海龜，不過條guitar shark游得太快，我踢到氣咳都追唔到（當時仲要留力搵海牛），另外dive尾有好多大海龜，不過可惜呢個時候我嚮10-14m水完全反唔到壓，真係唔上唔落，所以影唔到．．．