[游记]沙田游记

引用檢舉沙田遊記

網誌分類：小米B |

圖片

網誌日期：2008-06-01 13:14

星期日，由於肥仔開始學爬學行所以今朝我地約左師傅上黎屋屋裝窗花，咁又唔見左千幾蚊囉，不過呢d錢值得駛既~~

下晝，媽媽爹爹同肥仔出發去左沙田行街街，沙田呢個地方真係人頭湧湧，度度都係人，搞到爹爹媽媽都無乜心機繼續行，所以只係循例咁行左snoopy town (超多人~~)，行左一田(勁多人~~)，都唔明點解會咁多人既，雖然話就話係大減價，但其實好多野都只係比平時平小小，但就己經吸引到超多人去購物喇~~ 不過呢d百貨公司既速銷技倆用唔著係我地身上，因為爹爹買野一向都好謹慎，唔會見平就立亂去買，嘻嘻，但係大家都可能會好疑惑點解我地好似成日都會買d大型玩具比肥仔既？因為呢d玩具係媽媽用自己d錢錢買架，爹爹係無辦法干涉既，呢d都算係夫妻財政獨立既其中一個好處~~

係沙田逛左幾粒鐘後，我地就返左屋屋煮晚餐喇。

聽湊肥仔既呀姨講，肥仔係佢屋屋度唔係點樣訓覺豬既，不過哩，當媽媽爹爹放假既時候肥仔佢可以成日訓覺覺架播，朝早訓到八點幾，十二點零鐘食完粥粥沖完涼又訓多陣，出街搭車既時候又訓，訓醒左飲完奶奶玩左無耐又訓，而家食完粥粥(未食last果餐奶奶架)又訓左，所以媽媽就覺得其實肥仔佢應該係個幾易同幾肯訓既細路仔(係勁易湊既BB)，只不過可能係呀姨屋屋既環境唔係太適合佢，肥仔你快d學識講野啦，咁媽媽就應該會請個工人姐姐黎湊你，等你可以stay多d係屋屋咁就可以成日做爛訓豬啦！又或者爹爹養得起媽媽，等媽媽一心咁做煮飯湊肥仔你既家庭煮婦~~

講開學講野，呢排肥仔好鐘意講野(佢會不停咁叫：呀bu~~呀bu~~同呀~~~)，當媽媽同爹爹和應佢既時候(一齊叫：呀bu~~)肥仔先生又好似識答返你比返reply我地，所以我地就成日不停咁呀bu~~呀bu~~，都幾搞笑架~~

肥仔太細個當拎住個軚盤就會坐唔到係架剷泥車度~~

肥仔and 爹爹

肥仔揸電單車呀！

今次就掉返轉爹爹做司機，肥仔做乖客

客廳既窗框

肥仔房既窗框

廚房既窗框

主人房既窗框，同場加映肥仔既小睡相片