[游记]元朗游记

上星期六一家人難得亞爸,亞媽,同埋細細妹一齊放假, 所以一家人決定入深井食燒鵝. 但係亞爸個同事話元朗有間食燒鵝重正, 所以改變主意入元朗食o剌. 由於全家人只有小女子一個要返公, 所以我地下午先入去. 點知去到搵唔到亞爸同事講個間鋪. 跟著咪打俾o個個人問下啦. 原來個間只係一間燒味鋪. 因為亞爸個同事住係元朗, 所以佢介紹左呢度叫我地食.不過都要多謝佢專登黎帶我地去. 同埋個間d燒鵝又真係得得地喎. 只不過我地個晚就變左食燒味餐囉. 在途中, 我地仲見到賣涼果既車仔檔, 而家真係好難見到架啦. 所以我地幾兄妹係個度買左d野食返屋企食. 加埋恒香d手信, 我地都買左唔少"手信"返屋企. 既然咁長途跋涉入去元朗就諗住食個好出名既b仔涼粉啦. 點知真係好失望. 涼粉就真係好大碗. 不過d生果一係罐頭, 一係就雪左好耐咁. 總之就唔好味啦. 食完後見無地方行, 所以就搭車返屋企啦.

其實都幾無聊. 但係一家人一齊咁無聊都幾難得. 所以其實呢個都係一個好開心既旅程.

新增回應