[游记]元朗

因為想約小白，所以去睇《十一隻貓》﹔
因為睇《十一隻貓》，我地入元朗。
因為入左元朗，我地大吃大喝，做遊客似的食左一整天。

三點鐘，元朗警署等﹗見到小白，先去食個老婆餅、蛋旺酥﹔

子君都入來了，大家行去市中心，食返碗勝利牛丸先﹗呢間鋪頭，只有牛丸同牛腩賣，都咪話唔利害﹗

食完了，行下行下，入得元朗，自不然要去幫襯一下B仔涼粉，原來子君未食過B仔涼粉的，咁就好了，大家又食一鍋。

食左三round啦，係時間抖抖，入來元朗，我一定帶朋友去元朗公園個百鳥塔，大地方，飽覽大半個元朗的面貌，仲要好寬闊的草地。上到去塔頂，涼風陣陣，大家一下子好輕鬆，完完全全的去俾自己放假似的。「下山」時，同子君在草地上衝落黎，就好似童話故事內的小朋友一樣，而肥肥的小白就在後面睇住我地兩個小朋友，真開心﹗(小白﹕到而家你都仲係覺得myra捉摸不透﹖我咪其實係大細路一名羅﹗)

下一站，都係元朗警署，接埋大家姐同花朵，期間都忍唔住口，食枝「爆炸可樂」雪條先，之後，正餐來了﹕葡國餐﹗

儘管行得遠左d(小白足足帶我地行左20分鐘，以便我地夠餓了先食)，但實在太好食啦﹗燒乳豬飯、路邊蝦…….香港食的葡國野，永遠令我唔鐘意食，因為唔好味，但今次，真真正正的食葡餐了﹗

好趕好趕咁去元朗劇院，suppose是今日的主菜﹕《十一隻貓》，ok啦﹗未係好差，未係一流。只是一入到場館，就是全人類戴口罩﹗感覺有少少世界未日似的﹔完場亦是前所未有咁快地散晒﹗原本仲有人話要再來一客B仔涼粉的，但到最後，大家都是早早回市區好了﹗

評論(0) | 閱讀(19)