[游记]2007日本东京游记第三回

到第三日喇,今日我地會去川越,平服一吓Shopping既心情

我地食完早餐,又踏上征途喇,首先我地到咗JR站買來回+ 一日巴士乘車套票,我地搵咗一大輪都唔知係邊度買,喺自動售票機又無得買,明明上網check過有得買點解搵唔到呢?,後尾我發現自動售票機隔嚟有個窗口用舊布蓋住另外一面有個門鐘,我就按咗一吓,真係有個職員走出嚟,我地就話俾佢知我地要去川越既套票,俾咗2040円個職員,好野買到喇!

經過大約三十分鐘車程到咗川越站,站內有個觀光社入去攞咗資料同地圖後,我地正式開始今日川越之旅喇,第一站我地去咗喜多院行吓寺廟,呢度都好大,都有幾多日本人嚟架,今日天氣好好,我覺得好舒服,好寧靜 呢度好多白鴿架,我見啲日本人都會餵佢地,你睇成個天都係架 其中有個爸爸放個仔落地行既時候,突然啲白鴿向住BB既方向行嚇得個BB要攬住爸爸,形成呢張有趣既相 到咗第二站去一番街 逛逛,呢度好多舊式既商店,行到咁上吓,我地個肚話要食野喇,咁我地嚟咗呢間寿庵食茶そば既,我地入到去坐底後,佢地就俾個餐牌我地,同上次一樣又係無相,不過今次鎮定好多,因為佢有漢字,我就叫咗個午市定食,電車男就叫冷既茶そば,咁餐牌寫住 "三,五,七",本來電車男係叫五,都係我衰我見五同七相差200円,我見佢之前又話好肚餓,我咪叫佢order"七" 囉,其實當時侍應個反應都覺得我地食唔食得哂架?,但言語溝通上佢無同我地解釋,點知啲野嚟齊之後.... 嘩!有十碗咁多,原來我本身已有三碗再加電車男個七碗今次真係......

個天婦羅番薯好好味呀,又厚又脆又甜,熱騰騰,正 就係呢d冷既茶そば,原來你叫七個,佢就有七種味,最後我就食咗四碗,電車男食咗六碗,飽到唔知點話俾你知,依家對美食要暫停先 食得太飽最好就梗係行啦,我地就周圍行吓,去咗時之鐘同果子橫丁 行到已經四點幾,搭觀光巴士番JR 諗住嚟到呢度無得shopping啦,點知JR隔嚟有個商場有減價,我又出動喇,電車男仲問我係咪買野買到痴咗 番到出去已經六點,我地就繼續行池袋,到晚飯時間,因為我地兩個晏晝實在食得太飽,飽到夜晚都唔係咁想食,電車男想食甜野,於是我地就去咗西武樓下食品部,行咗幾間餅店,見到士多啤梨蛋糕,好靚呀,最後簡咗呢兩款加係汽水機按既蕉味奶同黑豆奶做我地既晚餐

今