[游记]2006年11月12日-南丫岛

March 16

2006年11月12日 - 南丫島

今日一早起身，咪咪就幫我梳毛毛同噴虱水，好0野~!又有得出去玩玩~!我0地坐巴士去到中環，原來我0地今日要去南丫島行山山呀~!有樂樂、亞比、Yogurt、Mo仔、Coco同契哥micmic呀~!

我0地搭船船去，但點知架船船得幾個位0架咋bor~!因為我0地唔可以入客艙，要0係出面船尾呀~!終於去到南丫島0既榕樹灣喇~!今日天氣唔算太熱，又有d風，行山就最0岩喇~!我0地搭十點半船船，一落0左船船，班大人就周圍搵0野食，之後就去0左食亞婆豆腐花，食完之後，就去0左沙灘，不過我0地無落沙灘玩，之後就真正開始我0地0既行山之旅喇~!

有d路都幾斜0下0架~!不過我依然行得好輕鬆，但我個咪咪就...行0下又坐0下，真係無鬼用呀~!後來行到去個涼亭度，有好多蜜蜂呀~!樂樂哥哥仲差d食0左隻蜜蜂tim呀~!我0地0係涼亭度影0左好多相相，因為0個度個view真係好靚靚0架~!

休息0左一陣之後又開始行喇~!但係就無得再放繩繩喇~!因為實在太多人喇~!本來真係好有行山feel，但因為太多人0既關係，感覺好似行街多d...不過今日係星期日，人多就緊0架啦~係估唔到真係咁多0者...

沿途都見到有好多其他狗狗，行到去索古灣，仲見到有班莎莎tim~!d大人就係咁買手信啦~狗地乜手信都無>"<

最後我0地搭四點半船船出返中環lu~!明明問好0左，狗狗係可以上船船，點知...原來只係船尾咋~!仲係一個位都無呀~!最慘就係d海水會飛入船船度，係豆豆幫我擋住咋~!呢間真係名乎其實0既"趕狗小輪"呀~!

行完山山已經好攰喇~!d大人要去食0野喎~!佢0地就去0左癲狗來喇~!我都好耐無0黎過喇~!因為d服務真係差到不得了，其實只係其中一個服務員係咁0者...話咩繁忙時間唔可以幫我0地執臭臭同抹尿尿喎~!我0地之前次次去都係得我0地一枱咋嘛，咪又係次次都唔理，淨係識得話"你隻狗又痾0左呀，快d抹0左佢啦"今時今日咁0既服務態度點得0架?我0地玩0左一陣就返屋企lu~!

返到屋企，咪咪已經大覺瞓，真係無用到死呀~!不過佢又發燒燒呀~!

咪咪: 今日真係好欣慰，估唔到豆豉終於肯行咁多路呀~!每次佢都係行0下停0下，但係今日仲行得好過我喎~!如果佢真係唔肯行，我就真係死得喇~!見佢咁開心，幾辛苦都值得0架~!

d相相已經放0左上網網喇~!
http://hk.pg.photos.yahoo.com/ph/yipdoushi/album?.dir=1bedscd&.src=ph&store=&prodid=&.done=http;a//hk.pg.photos.yahoo.com/ph/yipdoushi/my_photos

天后古廟~到此一遊~

涼亭望下去的風景

好大風呀~!

索古灣碼頭莎莎大合照

我唔要呀~!咪咪快d救我呀~!

癲狗來同契哥micmic合照