[游记]2007日本东京游记第五回

到咗幻得幻失既第五日喇（聽日就要離開喇）

今日我地既行程係東京車站,汐留,日本橋,上野

呢度係酒店大堂,我地朝朝食早餐就係呢度喇 第一站就嚟到東京站 入面好大架,有條八重洲地下街成條彌敦道咁長,行極都行唔完咁,跟住去咗對面既丸之內 有間書店叫丸善都可以一行, 跟住我地沿住八重洲地下街行就嚟到日本橋, 影咗幾張相就走,因為太大風喇 已經十一點幾喇,去下一個景點 -上野, 我地去咗呢度買手信,如果下次大家想買手信都可以試吓,佢有啲款二木之果子度無得買架

行到咁上吓,我地見一間日高屋,最平一碗拉麵只係290円咪入去食囉 (佢其他分店都賣390円, 唔知點解呢間咁平), 雖然係好普通,但勝在夠平

食完飽飽,我地就去上野動物園 睇企鵝巡遊,冬天至有架,好期待呀

第一時間買飛先,

等我同呢度既吉祥物 - 大黑熊貓影番張先,近睇真係幾污漕

嚟到我今日最想睇既企鵝出巡喇, 我同電車男預早嚟等,先有頭位炸! 佢地行到左搖右擺,好搞笑,但佢地出嚟大約十五分鐘就要入番去架喇,如果你都想睇,記住下次冬天嚟喇 跟住我地由東園行去西園,本身佢係有架有料吊車搭既,要俾幾百円梗係唔搭啦,行過去都只不過係幾分鐘,無謂浪費金錢, 去到西園就睇犀牛,河馬,駝鳥,仲有爬蟲類,嗱話口未完我就俾隻科莫多龍追喇,救命呀

去完今日既生態之旅後, 我地就去食野,又經過Pepper Lunch，我地雙腳好自然就行咗入去，今次我同電車男就試咗新野，我就食呢個牛角粒，但都係回味前兩日個塊扒多啲 電車男就叫咗呢個雞扒配漢堡扒，佢話幾好味喎 食完我地番池袋行街，因為今晚係最後一晚（係日本) , 我同電車男都唔想咁快番酒店執野,所以咪周圍行,發掘吓有無其他野買, 我地經過Lotteria 咪買咗兩份做宵夜囉，跟住仲有行程，登登登．．就係番酒店執行李 嗱嗱嗱．．呢度就係我地買既戰行品，依家我地就諗點拎番香港呀？

執完野之後，都可以講完成我地今次既日本之旅喇，行咗