[游记]大澳棚屋游记

5/1/2005

大澳棚屋遊記

~大澳2日一夜棚屋遊記~

今個星期6,日... 去亞恩婆婆家裡住
亞恩婆婆是大澳原居民, 所以我地感受下住在棚屋生活...哈哈~

初初我地都以為會好多蚊, 所以預備左好多蚊膏蚊機蚊貼同蚊怕水...等住我地去餵蚊... 哈哈~ 無事喎!! 可能因為太大風關係... 無咩蚊喎! 而且天氣又唔係好熱, 又好大風 .... 真舒服 晚上BBQ 都唔覺得熱... 可惜是我去大澳前幾多,因為感冒關係令鼻同耳都塞左... 所以我都唔敢玩得咁盡... 所以我係最早燒完去休息~

今次大澳之旅, 有亞恩個BB(快2歲)同行... 我明白做人父母之難處。 BB精力真勁, 不停走不停玩不停喊不停大炒大鬧..... 雖然今次旅行有BB同行, 是好玩好多(因為我叫亞B為老公仔,好得意,我好錫佢架).... 但真係好累.... 因為晚上瞓瞓下, 佢大喊(係高頻率尖叫...) 好幾次.... 令全屋D人都醒曬~ 所以我現在佩服亞恩佢地啦~ 哈哈~ 所以我都只瞓得幾個鐘左右....

但我今次真正去感受當地人生活真是好難得機會嘅事.... 因為大澳開始人口老化, 新一代都已經搬遷出香港打工... 所以大多數是老人家居住, 只有假日後生會返來探望親人, 但唔知過多幾年後會有無呢D情景, Disney 今年開, 可能令原有大澳景物會有所變動~ 所以今次能真正去睇驗真正大澳人棚屋生活... 我見識左水上人生活一面~