|
放工老公陪我去食拉麵, 我比左 Orbis 本野佢睇, 佢話叫我試下飲喎~ =]
之後我地出左尖沙咀, 首先去 Gucci, Prada, Agnes B 睇野.
我好耐都冇入過去睇野 la~ 淨係睇, 已經好滿足. 由其係 Gucci, 真係好鍾意ar, 壓紋款終於出左, 好靚.
我真係覺得 Gucci 靚過 LV 好多. 好多人都鍾意 LV, 但我一D 都唔鍾意, haha
入去 Agnes B 唔見我 o係雜誌睇到鍾意果個銀包....
同老公去左食雪榚, 冇糖喎~ 都唔知係咪 o既 是旦啦... 死就死, 一次半次.
同老公一人一半, 食青檸味, 好酸~~ i like it =) 之後陪老公去百老匯買相機, 最後當然去左 Orbis 買 Collagen~~
買左三盒, 老公有恆生卡 total $597, 平左 $84, 我又賺左啦 =)
差三蚊就多十分積分, 揀多個眼影棒就碌卡~走人.
個 BA 勁煩, 不過算la, 人地都係打份工啫~ 最搞笑係佢唇膏搽出界 lor... hahaha
唔好睇少果三盒 Collagen.... 原來三十枝玻璃樽加埋係好重好重~!
連老公都話重ar, 最後我夾硬要幫老公拎一盒, 再加個相機, 真係好重....
去左 CitySuper, 睇睇下野唔見左老公, 原來佢去左買豬仔電話繩送比我~
好得意, 仲有香味 tim~ 好開心ar 之後比我見到 Maybelline 隻胭脂做 Promo $35~~~諗都唔諗即買 =p
一直都想買, 只不過想等萬寧做75折先. 呵呵~ 我又賺左啦~~ 經過 Veeko 見到 Sammi 已經換左 Summer 相, 即刻用手提企 o係門口影左張.
之後有個 Sales 行出黎同我講 "唔駛影啦, 買滿一千蚊我地會送本 catalog 比你"
傻的... 雖然我真係好愛 Mi, 但我唔會晒成千蚊為左本 catalog...
晒幾百蚊買件衫就會~ 起碼有件衫著, 而且有 Mi 紙袋~!
衝左入去揀衫, 兩手空空返出黎... D 衫真係唔太靚, 但真係唔知點解 Mi 著上身會咁靚架喎...
所以 Veeko 搵 Mi 係明智 o既選擇~ 張相好搞鬼, 影埋公仔個頭 so funny~ hahaha 6點幾去板前等位, 等左 9 個字..... 不過值得ga, 因為 D 壽司仔真係好好味~
我第一次同 Joyce 食果陣等得仲耐, 今次算快 - -
老公係咁話好感動ar, 因為好好食, haha~
食完去左 UNIQLO 睇衫, 比我搵到條 23 腰 o既牛仔褲~~!!
岩晒我, 不過冇買到, 老公話遲 D 先喎~ =) 新增回應
|
