[游记]希腊,义大利之行

今早起身,個天落雨,認真掃興,原本一早諗住去paradise沙灘呀!但一來落雨,二來我哋要搬酒店.點解?因為比人昆咗囉!

因為噚晚嗰間渡假屋,成座都係佢嘅,有四間房,地下一間,二樓兩間包括我哋住緊嗰間,三樓有一間,我哋租時緊係乜都得,但上咗賊車之後,又話有一間可以租兩日,有一間要轉房,去到二樓個間,即係我哋住個間,話只可以住一日,明天要搬落樓下,樓下個間細不特止,最勁係連窗都無,佢話有.....佢係門上部分有塊磨沙玻璃窗,呀!即係關門後可以單獨打開窗,不如我直接開門罷啦!個窗仲要對住條路,即係有人行過八掛可以伸個頭入嚟!哇!幾平都無用啦! 我哋朝早只好在市區行來行去,等到差唔多到12點,老板娘車我哋去舊碼頭間tourrist information搵下一間酒店,點知間嘢介紹個D又貴又殘,唔知點算之際,肚腩B話比我知出面剛剛有船到,好多酒店agents,所以我哋去問吓,我哋見到一間好靚嘅,但就係山上,行落市中心要5mins........佢話!最後我哋都選咗,一去到,超靚超豪華,竟然無比人昆!有LCDTV,有一個大平台,日落view,酒店式toilet,PREFECT! 我哋行落山食飯,今日食咗everest,(即係一個大熱狗,入面比你放7,8樣嘢,跟住壓平,變多士),味道都OK呀,跟住上返山就甘D啦,行上去要成二十分鐘,不過FULL TOWN VIEW,半山仲有一個風車,保全得幾好,仲可以行入去睇吓.返到酒店,坐係平台,飲吓嘢,睇吓日落,so good! 晚飯食咗少少嘢就返上去,因為肚腩B對呢道D食物開始唔鍾意(作嘔)!

新增回應