[游记]梅窝之行(1)

October 04

梅窩之行(1)

今次去Camp,玩得真係好好開心~成日都有唔停既笑聲~哈哈哈哈哈哈哈哈~

國慶無端端又有紅日,就同班兄弟入梅窩Camp~九月三十號入去,搭23:50,但我個日收成23:30,仲要係九龍灣..飛都飛唔到過中環,咁既情況就要同事幫幫手啦,嘿嘿嘿~10:45出到中環,等埋高仁同文仔,去左翠華食左野先,行過蘭桂芳~好多女^^,食完就趕住出碼頭,搵埋阿郭佢地~

文爺又暈船浪啦~哈哈哈哈~入到梅窩,去7仔買埋毛巾牙擦,行條羊腸小路又無燈,就入屋啦.今次間房比上次個間細好多~不過大家可以close d囉,玩左陣,就玩下3公,21點呀,贏左唔少~~跟住玩左陣射龍門..大家都好累啦...3點幾就訓左...唔夠快,我被迫同肥興訓!shit!肥興訓覺好大鼻鼾聲,訓覺又打人,硬食左佢幾踭...根本都訓唔到...記得岩岩天光時我先無知覺訓左....到8點幾,個仆街文仔係到玩電話!!嘈醒哂成屋人...醒左就去擦牙,洗面,沖涼,等齊哂佢地姿姿整整,就出去食早餐,買BBQ既野,百佳同惠康真係梗有一間係o左近,跟住就租單車,都係百零蚊,租左4架(後來先知咁岩個4架都有問題)...終於唔使行得咁辛苦啦,我,郭,羅記同e-zoe,仲有肥興就踩番去先,文仔佢地就行番去,哈哈哈~