[游记]精神网SPABlogArchive梅窝之行

« 深圳失竊

九一一的一週年 »

梅窩之行

對上一次入去好夜, 冇晒單車租, 好慘咁慢慢行去渡假屋(都好遠架!), 沿途見到有兩班人企晒o向度, 豎起隻耳聽到佢地講開話租單車. 咁咪即刻痴埋去試下搭咀. 原來佢地一班人又係剛入來, 另一班人是當地人, 班當地人咁o岩識得單車鋪d人, 於是幫我們用mobile打比單車鋪d人, 叫佢地開番鋪. 就係咁, 我地又跟埋番去單車鋪租車. 行番回頭途中, 如是者又見到一d似係剛入來的人, 我地都八卦地幫手問下佢地係咪想租車….. 結果, 好搞笑, 越行越多人, 有d仙履奇緣feel!

第日, 見租單車d哥仔咁nice. 我地順便問下梅窩有咩玩. 點知d哥仔好落力咁慢慢介紹比我地知. 送埋地圖比我地行山, 又叫我地若是買xx, 便去邊度買 (仲叫我地o向埋佢地個名, 咁會平d, 結果又真係平好多!), 真係唔講你會以為佢地係香港旅遊發展局d staff!

踩車行行下山, 有d路人(村民)經過, 又會同你say hi! 又問下你行完邊度, 將會再去邊度, 又問下你知唔知再行入d仲多d野玩. 呢班人到後來我地走時在碼頭又撞到, 佢地主動走過來同我地say goodbye. 嘩! 真好feel!

話說我地留意左幾次, 終於等到銀灣擺檔的山水豆腐花伯伯, 原來佢每日只在下午取一桶下山來賣, 賣晒便走, 多數唔駛一個鐘, 唔怪得成日都撞唔o岩時間. 幫襯佢兩碗外賣, 佢話我地係最後兩碗, 因為桶底d豆花冇咁滑, 佢建議不如收一碗錢算, 佢唔想整衰自己生招牌. 講講下又話若我們肯不外賣而即場食, 若我地真係覺得d豆花唔夠滑, even失望的話, 伯伯仲話一碗錢都唔收! 好感動呀! 當然我地最後也謝絕佢既好意!

今次入去, 因我要比驚喜我生日個friend. 我在船上事先打入去單車鋪, 問下d哥仔可唔可以幫我求其搵張爛紙寫上happy birthday, 到我地黎到失驚無神比我個friend. 佢地一口應承, 仲主動話今日冇乜車, 幫我地留起幾架! 但點都估唔到, 佢遞比壽星妹的不是一張紙, 而係一張自製的咭! 又用顏色筆, 又用貼紙, 又畫公仔, 仲要入到去見到佢地好鬼忙, 而唔係閒著冇事做! 真的好感動! 個壽星妹仲差d喊出來! (講真, 三唔識七, 真係不禁問句: “駛唔駛nice 到咁?!)

then 佢地話唔好意思, 因生意太好, 冇辦法幫我地留到車, 但佢地話即時幫我地砌幾部, 叫我地去隔離間茶記飲杯野坐陣, 叫我地入去o向佢地鋪頭名, 茶記自然會入佢地鋪頭數(=唔駛我地比錢!) , 我嚇到呆左, 心諗:究竟呢班友開單車鋪係為興趣定係搵錢架? 一車一日租都係o個幾十蚊!

之後, 我諗住叫我一個friend放份禮物o向瀑布水底, 等第日壽星女去到瀑布玩水時自己發現, 而我則找借口mark住壽星女. 但因當時我d男仔friend 又未入來,(我地三個女仔入去先) 我又唔放心比個女仔friend自己上山, 我問單車哥哥可否幫我們一把. 其實我都知好唔好意思, 要咁麻煩人, so我主動問不如比番幾十蚊佢地幫下手, 佢地結果又係唔收! 但照幫!

有次, 我架車甩鏈, 我d friend返去單車鋪求救, 佢地又搵個人即飛車來救我! 佢整緊條鏈時, 我話:唔好意思, 成日煩到你地! 其實你地d服務態度可以唔駛好到咁! 點知佢答: 我先唔好意思, 租架車比你甩鏈! 若我咁都唔理, 就真係冇服務態度喇!

就係咁, 整整下我地知道左佢地d名. 當晚我們為表謝意, 仲請左佢地食飯 (佢地最初也堅決拒絕). 言談中, 發覺佢地雖然做生意, 但佢地個宗旨係本住, 唔希望咩都斤斤計較, 幫得就幫, 做到生意時, 又識到朋友! 何樂而不為? 真心待人像朋友, 生意又自然會多, 就算生意冇多到, 但多個朋友, 都係一個得著丫! 聽完, 真的覺得, 抵佢發!

其實仲有好多細節, 不能盡錄! 唔知呀! 見到入面d人個個好親切 (小小一個梅窩好似一條村咁!), 個個唔多貪錢, 個個笑口西西, 唔會周圍聽到d人講咩負資產, 講咩好慘! 心情都平靜d! 加上d環境幾好, 出入中環只需半粒鐘, d租又平($1,xxx to $2,xxx), 地方又大, 我已有兩個friend密謀搬入去住! 唉! 攪到我都心郁郁!

This entry was posted