[游记]湾仔狗公园Take2

未出發先興奮 請問食啲咩？

叮叮：常餐，飲凍檸茶　小畢：最緊要快，快餐呀，飲凍咖啡

今次仲唔到我去咩　嘩靚女呀，正！小姐，你叫咩名呀？My name is Siu Bug 原來黑色真係好吸熱架　哥哥等我錫番你啦　又真係幾熱喎

又再嚟灣仔狗公園，今日媽咪話帶小畢哥哥去喎，不過由於明天晚上要為Don哥哥慶祝佢既4歲生日，所以先先去咗銅鑼灣買咗啲生日會既小食先，出發前喺屋企樓下間老表食完午餐先，去到又行咗成個幾鐘街街，跟住去到狗公園到攰攰哋啦，不過就嚟十歲既小畢，一樣精力充沛仲撩女仔添，雖然天氣好熱，不過都好多小朋友仔呀。近排唔知係咪天氣悶熱，我呢粒叮無咩胃口，成日唔想食，兩日都食唔到一日嘢，變得越嚟越瘦，攪到喺狗公園全程俾人話我纖體，好唔開心架嘛，人哋係fit唔係瘦，諗住晚飯勁食一餐，點先都係食少少就見飽，無計，你哋啲人唔環保，又煙又癈氣，唔睇電視又唔熄，又會唔記得熄電器，冷氣又成日開到過冷，天氣係咁升，邊有胃口呀！媽咪唔好怪我唔肯食嘢呀！