[游记]星期天赤柱之旅 欢迎来轩轩日记BloG,SEAN

引用檢舉星期天 ~ 赤柱之旅

網誌分類：軒軒 成長記 6 - 9個月 |

圖片

網誌日期：2008-04-27 22:26

2008年 4月27日 (星期日)

明天就係小米卡既 八個月生日 喇 ~

趁住今天星期天, 爹地話不如帶小軒軒去海洋公園既, 不過佢都係太細個了, 去海洋公園怕佢會累, 所以都係大個小小先啦~ 而且爹地今早才放工咋, 等佢下次第2日假先去啦 !!! 應該會精神D 既 ~

爹地問 :甘帶佢去邊度玩好呀 ?

媽咪說: 不如去赤柱行下啦~ 睇下風景都好 (其實係媽咪自己想去)

><><><><><><><><><><><><><><><><><><><><><><><><><><><><><><><

我地一家三口, 十一時出發, 向赤柱方向進發, 小軒軒一上車就立即訓覺覺豬, 沿途D風景都好靚呀~ 又山又水, 天氣又好, 高尚區真係唔同呀!!!

我地等左20分鐘才有位泊車呀~ 真係好多好多人, 泊好車之後小軒軒就起身了, 可能佢還未訓醒...個樣好似好累甘, 又無咩反應喎 !!! 落車時閒到小小香味, 原來, 小軒軒放下"黃金" 一堆....哈哈....當媽咪換完片片時, 唔小心踩左落去, 整污濁左對鞋呀~~

一路上大部分都是外籍人士, 感覺就似去了旅行似的, 十幾廿分之後小軒軒開始活躍起來了, 開始無甘發o牛o豆了...

因為我地去了"M記" 食野, 佢一見到我地食野, 勁開心, 好彩媽咪帶了小飽飽比佢咬下, 點解你甘為食架 ?

比返個盒仔來好喎~你唔食得架!

食飽飽之後, 小軒軒精神哂, 沒有坐車車既佢, 騎住爹地勁開心, 佢竟然捉實爹地既耳仔, 仲好大力甘鈕爹地耳仔, 唉...愈叫愈唔聽 ~~~

當爹地大叫: 唔好呀~

軒軒比左個好驚慌既反應, 唉...d小朋友真係唔得嚇~

當爹地由佢時, 軒軒又奸笑喇 ~ ++++++++++++++++++++++++++++++++++++++++++++++++++++++++++

嘩...呢個背影係邊個呀? 條頭巾好有型呀~

原來係小米軒....