[游记]铜锣湾游记

引用檢舉銅鑼灣遊記~

網誌分類：甜蜜日子 |

圖片

網誌日期：2008-05-03 07:28

五一假期既前一晚..

月光係一個聽到都覺得討厭既地方..

做到成隻狗咁...

果間變態既酒吧..

果個百痴既經理.

令我控制唔到自己...做到人都癲..

結果..

一收工..

就如怨婦般..

向黎接我放工既傻佬呻東呻西...

不段咆哮到底有幾甘受氣..有幾甘想死..

講下講下...

講到眼都紅埋..

眼淚就如快要缺提般在眼眶裡頭打轉...

傻佬心痛地看著我說:傻妹..唔好唔開心啦..我聽日請一日假同你去銅鑼灣行街..

星期六再同你返大陸鬆一鬆啦~好唔好?

你依家想食咩呀?傻佬即刻帶你去食...等你開心返!

月光唸都唔唸就話:我要食凍蟹...

天耶~三更半夜那來有凍蟹?

傻佬和月光也毫無頭緒...

結果只好跑上的士

由司機哥哥帶路...

最後的士哥哥將我地帶到去九龍城既打冷店...

一到步月光就收到rachel既電話..

然後我地又再聚埋一齊..

邊講是非..邊嘆凍蟹...

有個甘遷就自己既男朋友..

又有個甘了解自己既好姊妹係身邊...

工作上既辛酸同埋不快..

一下子便掃清光~

快快樂樂甘又過左一個晚上..!

第二日一早..

月光急不及待就將傻佬抄醒..

將佢拗左落銅鑼灣..

第一站係sogo既玩具部..

上到去..月光馬上就比呢個barbie櫃吸引左過去..

櫃子裡頭既barbie全部都係限量版..

最平個隻都要五百大洋...

所以.....

真的得過望字....

正當月光既視線停留係呢隻漂亮娃娃身上發呆既時候..

身後既傻佬突然向售貨員喊道:唔該..我要呢隻!

月光馬上便回過頭來說:等等...你冷靜d..唔好亂黎呀...

傻佬攬實我話:你鍾意既就買返屋企啦..裝飾下都好麻..

我瞪大眼睛說:天耶~千幾銀一隻公仔..買返屋企做裝飾甘無聊..?

係...雖然係好靚...但係..我只要係度影下相..望幾眼就已經心滿意足咖喇..!

傻佬係月光耳邊輕聲說:但呢隻係限量版黎咖喎..依家唔買..

下次再黎就見佢唔到咖啦...

係...雖然係限量版...

但月光望一望個價錢牌..就已經覺得心寒了..

所以都係堅持話:唔得..真係太貴啦..你唔可以甘樣寵壞我咖..

傻佬再講:只要你鍾意咪得囉..我就係要將你當成小公主甘寵壞..

等你唔可以無左我..哈哈!

發神經耶...千幾銀買隻barbie...實在太不設實際喇..

要寵壞..都用第二種方法黎寵麻~

所以到最後...

月光左揀右揀...

都係揀左呢兩隻..

比較平既黎做戰利品..

兩隻加埋..

合共七百大洋..

呢個價錢都仲可以接受...!

買完barbie..

月光帶住興奮既心情跑到泳衣部...

雖然搵唔到cocolulu既品牌..

但今季sogo都仲有好多其他既款式..

簡直就令人花多眼亂~

結果月光足足試左七套...霸左間更衣室勁耐..!

傻佬話籃色呢套最靚...

但係月光就反而比較鍾意簡簡單單既白色...

結果到最後兩套都買下來了...

售貨員滿臉笑容甘向住月光講:小姐..多謝你..承為八舊...!

點知個傻佬又再一次同我爭住比錢...

呢個情況..

唔知點解令月光覺得好尷尬...

話哂都係女裝泳衣...

D售貨員又用D奇怪既眼神黎望住個傻佬...唔知仲以為佢變態咁..

所以月光忍唔住埋怨:你可唔可以唔好次次出街都係咁呢..

再係甘我下次就收埋你個銀包先同你行街啦...

傻佬話:我唔想你駛錢麻..

月光只好苦心勤道:我做野做得甘辛苦就係為左搵錢返黎洗咋麻..

你依家咩都幫我比哂...

咁我咁努力返工把鬼麼?

唔通下次我買胸圍既時候你又跟埋我入去爭比錢啦喎,正一傻佬黎咖!

傻佬蠻認真甘講:甘你咪當儲個錢買下LV囉...

嗯....

你知道麻...

儲錢對月光黎講真係好有難度咖..

我係個種只有瘋狂購物先可以平衡自己心理既人...

唔洗咁d錢..個心硬係會好唔舒服咁既.

然後傻佬又話:甘我出張附屬卡比你慢慢洗好唔好?

月光馬上話:痴線啦你..如果比張卡我碌..你真係做鴨都唔拈呀!

當我們仲討論緊呢個問題既時候

不經不覺原來已經行到去gucci專門店既門口...

傻佬問月光:傻妹..要入去睇睇麻?

月光當然二話不說就走左入去啦...

幾經辛苦...終於都勸拈個傻佬..

比月光自己出錢買呢個錢包...

終於都可以同已經用左四年又殘又舊的銀包講bey bey..

實在太開心喇~~

月光覺得..

始終都係用自己錢黎買野

比較舒暢..比較自然~比較有成功感!

步出sogo...

天色已經變黑..

但未行完金百利同埋銅鑼灣地帶...

購物狂月光絕對誓不罷休...

雖然係金百利一無所穫..

不過好彩..

係銅鑼灣地帶終於搵到合心意既鋪頭...

果間時裝店買既都係日本進口貨...

只有日本品牌先會有甘貼身細小既size..

所以月光一入去就一發不可收拾..

一口氣買左兩條裙..一條褲..兩件衫..

加加埋埋千二蚊都唔洗...

比起平時去開利時果間...

真係底好多呀~

下次一定要捉埋購物狂二號joey妹黎掃貨先得喇~

行到八點

腳又痛..肚又餓..

月光終於都決定要收手喇...

傻佬話要帶月光去灣仔食蟹..

我地就唸住浪漫一番..

坐下懷舊叮叮啦..