[游记]东京箱根自由行.一年前的游记

東京箱根自由行(Day 7)...一年前的遊記

Lisamarie | 11th Sep 2005, 22:05 PM | 一般 | (544 Reads)

東京箱根自由行(Day 7)

12/9/2004

原宿 (Harajuku)

今天是東京自遊行的最後一天, 下午才會乘搭17:30p.m. 機返香港. 所以還有半天可以玩.

由於今日是星期日, 最適合的活動莫過於到原宿一帶遊覽. Check Out 之後將行李暫時放在東橫出發往代代木公園, 諗住行吓跳蚤市場. 但係去到果度點解人影都無隻嘅, 旅遊書明明話在周日的代代木公園是很熱鬧的. 可惜!

然後去咗明治神宮, 再去埋表參道樓上餐食咗個早餐, 就去竹下通/裡原宿最後衝刺. 這裡的擠迫程度花園街有過之而無不及, 再加上猛烈的陽光, 令人喘不過氣來,

星期日的原宿最出名是有很多打扮得古靈精怪的年青男女集結在神宮橋附近, 之前在街上都在街見過一些Cosplay 打扮的男女, 已經覺得很核突, 在這裡的更加是聯群結隊, 打扮更加誇張. 雖然真的很怪相, 但不失為一種地方的特色.

行行這, 行行那, 不經不覺已是1:30p.m. 了, 係時候搭返山手線返新宿了.

返番新宿東橫Inn前, 在紀伊國屋前面的一間西餐廳食意大利粉, 有Free Drink 任飲的.

取回行李後, 發覺行李比原先重咗好多, 都係搭的士去新宿站無咁辛苦, 又再盛為660 Yen. 本來諗住在東口落, 但司機話因為假封咗路, 要去西口落, 無辦法, 唯有行遠少少.

同到東京時一樣, 去機埸都係搭Narita Express, 14:42 出發, 15:48 到達.

嘩! 好耐無在機場見過咁長嘅人龍, UA條龍長到差點找不到龍尾. 排咗成半個鐘卒之Check In完. 時間尚早, 去天台睇下機場景同埋食吓下午茶先出境, 食到16:40pm. 入閘. 大鑊! 水蛇春咁長嘅人龍又再次出現, 排到17:10飛機尚餘20分鐘便起飛才辦理好出境手續,. 排隊期間有很多人要求其他人包括我先讓他們辦理手續, 我也一一答應, 但到了時間一分一秒的過, 再有人問我時, 我終按耐不住說:「我也只是尚餘20分鐘!」不過都係讓咗俾佢.

我跑跑跑, 跑去U