[游记]阿城

今日約左阿城響新城巿等, 大約2點到我就到左喇.. 死仔都係遲到.. 等等下既時候又俾我見到KENJI 喎, 今次仲多左IRIS 同拉登TIM~

之後阿城就到左喇, 佢竟然唔係咁認得我, 佢話係因為我D 頭髮長左既關係喎~ 跟住我地就去左西田個間仙跡岩度食野喇.. 好耐都未去過西田依間LU~ 差D 唔記得左有依間野既存在呀..
食完野之後佢話想去旺角睇錶喎, 咁我咪陪佢去囉~ 又係旺角, 不過同擒日唔同既係我同阿城都係路痴囉, 兩個人成個傻佬咁周圍行.. 途中梗係有講有笑啦, 話晒都咁耐冇見

大約4點幾5點啦, 我地又坐低食野LU~ 我就叫左個墨丸河, 食到好鬼飽.. 阿城就好似個冇事人咁, 因為佢之前響仙跡岩都唔係食得咁飽.. 我地坐左陣就走喇, 今次係我埋單既, 佢竟然羅15 蚊散紙俾我, 我梗係唔要啦! 之後我地就各自返屋企喇.. 當我搭88m 走既時候佢又打黎喎, 話佢唔記得俾返15 蚊我.. 哈哈.. 傻架, 我咪話佢之前請我食仙跡岩, 我請返佢當冇數囉~

今日都幾開心丫.. 阿城有時講D 野都幾好笑~ 夜冕online, Steffani 就同我講city 仔既野, 唉我都唔知講咩好, 要講既都講晒囉.. 依d 野佢地兩個自己溝通, 點都好過外人講既~ 大約12 點半到tommy 就打黎喇, 我仲以為佢唔會打黎.. 佢話驚我嬲喎, 唉事後先去諗我既感覺又有咩用丫.. 我都唔同d 電腦鬥囉.. 每個人通常都有d 特別令自己沉迷既野架啦, 只不過我沉迷既野係佢jei..

評論(0) | 閱讀(28)