[游记]京阪神游记番外篇之姬路城

世界遺產，姬路城，其實真係不枉此行，真係比大阪城更大，氣勢更勁，

我好鍾意去呢d咁宏偉既歷史遺蹟參觀既，因為個feel 實在好古代既感覺！

紅色呢個路線，就係行曬全座姬路城既路線途啦！而左手邊呢座建築物，叫做西之丸，咁究竟

呢座西之丸係咩黎呢！？

有無睇之前無線播個套日劇《大奧》呢？？

無錯，呢個西之丸，就係比女人住既地方，男人禁地黎o架！

入去呢度參觀，都要除鞋，又係有個膠袋比你裝住自己對鞋既！

等候服待將軍既女人，就係會住響呢度 on call 喇！都真係好似坐監咁喎！

不過望出去姬路市，風景都幾好，唔知夜晚睇會係點呢？

跟住呢d順路牌去，就會行到上去天守閣喇，神戶唔知係咪多韓國人住呢，首次響日本見到

有好多韓文介紹。

天守閣入面都好多野睇既，有畫、有武器，仲有介紹每個唔同將軍都有屬於佢地獨有既家徽，

呢d家徽會刻響d瓦片度呢！

姬路城古時劃分了不同地租區域！

介紹下打仗時d士兵點樣護城！

回程途中，經過一個叫腹切丸既地方，我估，大家都知呢度係咩地方啦！

幾陰森恐怖下呢！

呢度就解釋比大家知，要受到處死既人，就要響呢度切腹自殺！

然後.....佢個頭就會被 cut 出黎，再響呢度隔離個個井度打水上黎沖下個頭，

晾乾水之後，再拎番上去比亞將軍睇喎！咁...呢度咪死過好多人！

嘩！想起都恐怖！

所以睇完即刻閃人，相都唔敢影多張，費時返黎見到污糟野！

去過大阪城同姬路城，大阪城近市區，見到好多高樓大廈，少了點古色古香味道！

不過呢，如果作為欣賞櫻花既地方呢！大阪城又真係幾靚既！(此相片攝於03年 4月賞櫻花之旅)

而姬路城就比較宏偉浩大，其實