[游记]恋恋冲绳

2008/1/4

1) 嘻嘻, 都唔記得咗我係幾時, 同埋係邊到... 睇到沖繩有 座頭鯨 睇咯. 八八掛掛, 又上網去搵下資料, 先知原來係每年的 1-4月, 都會有過百條鯨魚從北而下，去到沖繩南面的座間味島一帶海面繁衍後代既~

http://www.vill.zamami.okinawa.jp/

2)初時預計 2-3月去睇到鯨魚的機會大啲,所以, 如果可以新年的大假期去就最好喇. 可惜原來沖繩一向也沒有直航機去的, 只係有時會有啲指定日子, 香港快運會有包機去. 搵咗好耐, 都搵唔到有適合的機票去. 而且又怕自己去, 要搵船去到座間味島, 再要搵到那個座間味村上船, 又話要打電話去 book 定... 好似好難咁... 所以, 後來都係改變咗主意~

3) 再唸, 又想襯新年去埃及, 但發覺啲團費太貴咯,燃油附加&導遊費加埋 4千, 自費項目兩個人要 $4500. 所以, 唯有改去啲短線團啦, 本來我地都仲係考慮緊去九寨溝好丫, 定係去柬埔寨... 等等等等...

4) 點知, 31/12 去旺角問團的時候, 去完現代 & 東瀛遊, 其他的都關晒門喇, 得番永安. 於是我地咪走埋去排隊囉.咁岩得咁橋, 比阿飛見到永安貼咗張紙, 寫住沖繩 4天, 包睇櫻花 & 出海睇鯨魚... 嘻嘻, 好似好吸引, 又岩晒我的要求喎.

5) 於是再返屋企上網搵下資料, 原來沖繩 1月中起係真係有櫻花睇呢. 咁又見原來星x 都有差唔多的團, 但出海睇鯨魚就係自費項目嚟. 咁本來 1/1 都唸住考慮跟星x, 因為星x 平 5百蚊呢... 但去到沙田分行, 啲職員勁差啊, 又話比我知睇鯨魚項目只係係個魚缸到睇... 唉, 唔識咪搵個識的來答我囉, 唔好亂咁答人麻... 寫單張都寫左啦...

6) 於是我地最後都係報咗永安的團, 31 Jan 出發~ 後來, 我媽咪 DADDY 都去添, 咁又可以達成埋我另一個諾言喇~ Good~

戀上沖繩四天(賞櫻+觀鯨)度假之旅
「賞櫻勝地」八重岳、追蹤鯨魚之旅、海洋博公園(全球最大水族館)、萬座毛海岸、「生命之鹽」DIY體驗、「世界文化遺產」首里城

☆選乘香港快運航空直航沖繩，早去晚返！

☆追蹤鯨魚之旅 :
每年1月至3月為沖繩觀鯨最佳季節，特別安排乘船出海追蹤及觀賞鯨魚(全程約2小時)，船上設先進雷達追蹤器，追蹤鯨魚出沒之處，更有觀鯨導遊及導遊手冊，增加觀鯨趣味。