[游记]05北海道东京游记最终回

日期：11/7/2005晴

行程：池袋--上野---原宿--上野--成田機場---香港

今日其實得半日行程，因為最遲 3點要坐車去機場Check in 返香港，所以今日行程好簡單，

check out 酒店後，先去上野搵個大 locker 裝住 d 行李先，再返去 行原宿，朝聖嘛！

原宿地標之一竹下通，而家居然行過就算，完全無意欲停下d鋪頭細看，當然啦，目的地已變為

入去裡原宿搵 BWS 嘛！

o拿，舊年黎個次就搵好耐！今次醒目了，一去就 ok ！最終買o左件Tee ！！算有收穫！ 再去Baby milo store ！巧遇好友拍檔 K君！

之後，被他邀請客串排隊黨，專誠到呢間新開的隱閉名店買鞋！

就是白色那座建築物了，你看，有實Q 看門口的，簡直與 LV同級！

收穫如下，不過唔駛我拎返香港！其實個時都幾趕下，又未食 lunch ！

於是就行返去原宿站求其搵野食，見到壽司店唔駛等位，無慮朗吃！

食完壽司，行幾步就到 KAMO 原宿店，當然唔放過啦！

其實我有個夢想，我屋企唔係鋪木地板，係鋪人造草，一間房就造到曼聯Fans 房，咩鬼野都係

曼聯野黎既！另一間就係Adidas 主題房，咩鬼都係 3 間既！ 又將我自己個 d Boots用個膠盒裝

好曬出黎Display ！又放曬我咁多年踢波拎到既獎牌！

又做個入牆櫃放曬有 1 tick 既 NIKE 波！

放埋自己既大海報當然唔少得啦！........其實，我係咪諗到癡o左呢？

急行完KAMO 原宿店後，買了些球星匙扣做手信，之後就坐番 JR 去上野最後衝刺，因為要

入手手信食物同cheap cheap 足球用品嘛！

我去日本自由行以來，上野就係一處地方係每次都會到的，因為，我地揀o左坐Skyliner

去機場囉！要響上野上落的！上野真係幾多野行的，有個街市咁可以買手信，又有好多波鞋鋪、

足球用品鋪仲長期有減價japan製波襪！

相識既朋友之中，好多足球人都識得去上野呢個地方入手平、靚、正足球用品的！

左手邊 XX 橫就係個個街市區喇！右邊個邊就可以行去買衫買鞋 d鋪頭！

就係呢d不知名足球用品鋪，夾o岩時間都會執到好多荀野，我就試過 3千幾yen 入手過 MU 波衫！

用o左一個鐘極速行完上野！要閃喇！ 因為要坐15:20pm既skyliner 去機場！
黎到機場都唔放過吃雪糕，其實呢隻算唔算雪糕呢？！定係叫雪bra 呢？ 等上機，就當然四處行行駛埋淨d個d yen ，老婆入手了這隻Baby-G

想買但無錢買了！ oh.. 上機了！ bye bye japan ！架機都唔係大機，唔怪得咁震啦！

ANA d 飛機餐都 ok 的，我都有食！

四個幾鐘機程，回國了！
玩o左9日，幸好還有一日假，可以訓飽先返工！

這個生日週實在十分難忘！

.

.

.

Day 9 完！

.

.

.

.

後記：睇番d舊相，回憶番好多靚既風景畫面，好想再去北海道呢！

其實好似係 04年開始，好想每年既生日可以響外地渡過，唔知係咪

年紀開始大，好想自己生日都有個開心既回憶呢？