[游记]北海道游记(三)

September 08

北海道遊記(三)

第三日

一早去左昭和新山，係一個五年前爆過的火山，就係因為呢個火山，令到洞爺湖附近酒店要用煙花去吸引遊客。個火山太遠，感覺唔到熱力，只係遠眺一下。

旁邊有個熊牧場，養二十幾隻熊吸引人去，要比入場費，d熊可愛多過兇惡，可能養得太耐，仲識同你揮手、請請，問你要食物，好似大狗一樣，只係特別臭。

跟手去左登別地獄谷，呢次可以近d感受下硫黃味，真係好臭，就係呢度又同董太擦身而過，時運高，見唔到。

然後去左隱者村，呢個係"宋城"，新起仿古建築物，唔係好多人，景又唔係好得，黑黑沉沉，又唔係好多特色野睇，個隱者show又鬼咁悶，都唔知睇左d乜，午餐就係呢度隔離食，d湯只係鹽水加芝麻、昆布，好咸下，後來我自己加d烏冬入去食，咁就剛剛好。

食完飯去左行狸小路、手信店， 地下街只係一般，唔算大，又唔係好有特色，消磨下時間，一場來到，第一日無食拉麵，今日補番，去食左個拉麵，唔係第一次係日本食拉麵，但每次都會覺得佢地煮拉麵都好認真，會試下味，兩個人做，分工清楚，碗拉麵係咪真係咁好食無所謂，睇佢地煮拉麵都係一個誠意表現。

晚餐係去食燒烤，領隊幫我地order了神戶牛肉加活鮑魚，要成J$12,000一份，都算豪，神戶牛肉係切成一段咁放係鐵板上面燒一燒，不用太多調味已經有好香牛肉味，呢個幾好，個鮑魚相對就唔得。

食完回酒店