[游记]Yahoo!360°

The weather is being cool，first time feel good to winter. Strange~I always say,"Im son of Summer" Oopps!~Reply

北海道遊記第七日 第七日

我地一早起身去朝市，朝市係一個海鮮市場，每朝都有好多新鮮的海鮮上岸。我地未夠9點就到，都已經擔心最新鮮o既海鮮無晒！不過我地好快就搵到一間賣蟹同元貝的鋪頭，嘻嘻~300yen一隻新鮮元貝，即燒即食！好好味~

之後行左一陣就決定左一間有得食活墨魚的地方落腳食魚生飯早餐。嘩~~好大碗呀~好新鮮呀~~咁大個女第一次食好似午餐或晚餐的早餐，食到飽飽~成為200港幣的早餐！

好飽之後仲去左一間雪糕點食北海道牛奶雪糕，真係好鬼香奶味架！衰在馬騮頭好似細路仔咁..食食下都可以跌左落地！

之後我地去左海灣旁的紅磚屋行，其實無咩野好睇，不過出面落住大雪的話，行呢度都已經好滿足！一早食到咁飽又行左咁耐，再加上落大雪，真係唔係好想睇咩景點！但一場去到唔去又好似唔係咁好，於是我地就依照行程去睇教堂街，但實在太大雪,個教堂係我面前都唔係睇得好清楚，我亦唔覺得有幾靚。後來睇番auntie影的相，簡直唔信大家都係去同一個地方。

最後我地再去埋五稜角，一個一百年前的戰場！上左去無聊觀光塔望下呢個五角形的地方。真係好搵笨，唔想去就睇唔到佢真係五角形，落去下面行你就更加唔知佢係五角形，好彩上去睇一睇，如果唔係仲搵笨，一來睇唔到佢幾5角形，二來係我地由下面望落去，下面真係咩都無野好睇。唉~~~

在風雪中，我地就咁玩完x館！