[游记]旅遊記事

放假多日, 都是忙於照顧三位公主, 真的辛苦過上班. 昨天 (29/10/2006), 準備了一餐大閘蟹宴.

經太太安排下, 前幾天已經找了五豐行訂一籮共十三隻大閘蟹, 昨天下午一時左右, 原裝一籮大閘蟹由五豐行送貨到戶, 當場開籮驗到有兩隻死蟹報銷, 結果只有十一隻大閘蟹以嚮食家.

昨晚有明哥一家, 加上由紐西蘭回港的二家姐, 與及自己一家大快朵頤, 這批蟹尚算可以, 羔多肉肥, 大家吃個痛快. 真是食髓知味, 大家總嫌不夠吃, 要在今個秋季再多吃一大閘蟹宴, 我自己都好期待.

講開食蟹, 自己其實都幾為食, 早陣子未放大假前有一次早收工 (都已經過了晚上八時), 一時技癢又一時口痕, 放工順道去了屋企附近的百佳, 買了幾隻花蟹, 回家煮了一餐辣辣薑蔥炒蟹, 太太吃得津津有味, 連大女兒 Regina 都讚不絕口, 當然自己亦淺嚐啤酒, 以蟹助酒, 人生快事矣.

若學識弄點小菜, 既有生活情趣之餘, 又可以是家庭活動, 大家高高興興坐下吃一餐, 甚是愜意.

發表回應 | permalink | 相關連結 | ( 3.2 / 50 )

波仔英超開齋

23-10-2006, 23:08 - 「足球世界」

德國國家隊隊長波仔終於在英超開齋, 一記頭鎚協助球隊取得勝利. 之前因領取紅牌被罰下三場, 今場復出有士哥, 但又因為興奮過度走入人群慶祝被黃牌警告.

波仔未轉會前貴為拜仁及德國國家隊一哥, 來到車仔之後一路未能融合顯得平庸起來. 波仔獨門的後上頭球和遠射都再難見到，波仔的表現也未能返到以往水平, 令人擔心.

在拜仁, 波仔的任務是指揮整體作戰，取分主要是來自遠射, 頭球和從後插上怒射, 體現較多的個人能力. 在車仔呢? 摩帥強調整體高於一切，波仔首要是融入球隊, 而不是以單打獨鬥合來爭取破門，像初到車仔的祖高爾, 技術一流但要學懂整體. 世界杯後波仔的犧牲精神開始在英超出現, 在英超的比賽節奏快，進攻空間小，踢進攻中場靠個人之力取分跟本是天方夜譚，射門起腳的次數都不會多.

對樸茨茅夫的比賽, 波仔三場停賽後解禁，基本上摩帥把陣型調回4-3-3，洛賓在左路策動攻勢活躍非常，而波仔則負責中場串連，主要職責都是參與前場的圍攻對手.

第57分鐘杜奧巴頭球傳中頂回禁區中路，波仔及時跟上無人看管之下頭鎚破門. 波仔開始學會了如何配合車仔戰術, 及找到最佳的破門位置，而和隊友那一瞬間的 one-two 配合也慢慢建立起來.

反之, 今屆拜仁未能找到波仔接班人, 作客一比三敗陣. 所欠缺的進攻靈魂, 正是波仔昔日的位置.

發表回應 | permalink | 相關連結 | ( 3.3 / 52 )

Regina 第一次得獎