[游记]北海道游记第六日

The weather is being cool，first time feel good to winter. Strange~I always say,"Im son of Summer" Oopps!~Reply

北海道遊記第六日 第六日

我地本來plan左一早就去x館，但因為DORAEMO列車2月暫停，我地少左個地方去！所以我地就打算去登別出名的溫泉谷遊覽。登別地方好細，好似一個小鎮咁！而我地住的溫泉酒店服務真係好好，佢地知我地要去地獄谷都專登用公司車車我地去。

其實行路10分鐘就到，坐車就轉眼間就到！地獄谷就係一個好大的火山區，我地沿路行行行..點知行行下我地就打算上大湯沼,但沿路又落雪、山路又斜，我地2條友好大膽咁爬左上去，條路鋪滿晒雪，所以好滑，我地都要好小心咁爬上去。終於出左好多力，上到去見到個大湯沼真係好大，好彩無花氣力上o黎。一場上到當然係咁影相啦，之後落山就慘啦~

正所謂「上山容易就落山難」，我地頭先上山都已經咁難,落山就當然死左屎！我地幾乎要住係地上面慢慢滑落o黎！好彩最後平安著地，雖然一大清早就晨運，低我同馬騮頭就好enjoy,可能平時係香港都未試過咁樣行山法。同埋我地有種「欲窮千里目，更上一層樓」的感覺。

之後我地本來行番落山返酒店拎行李走人，點知俾我見到有到坐纜車的地方。問問馬騮頭，原來係上去bear牧場，於是我地又坐左上纜車上牧場，唔好彩係表演的熊人病左冇得睇show,只好買bear bear野食餵bear bear，嘩~原來佢地食的小食好鬼香，有d似無印有得賣個隻咁！d熊人好鬼大隻呀..我地一伸手，佢地就企晒起身，揮晒手..好得意！不過係我拋得衰，有2次我拋唔到佢地個口度！哈哈~真係唔好意思！

除左係高地餵佢地之外，我地可以走落去，當然有間密室的地方啦！d熊人知道有人係度，即刻走埋o黎，我地係裡面真係有種困獸鬥feel！

之後我地落番山真係離開登別去x館，去到x館已經夜晚，就上x館山欣賞全球第3夜景，當然啦.對於係香港住左廿幾年的我，我覺得香港夜景靚好多喎！