[游记]富良野、美瑛行程

2007/5/6

呢兩日率先plan左富良野同美瑛既兩日兩夜行程, 因為主要想先confirm左pension既booking, 怕再遲D book就會俾人book晒, 住pension（ペンション）係富良野、美瑛行程既一大重點, 因為去到D咁自然, 咁舒服同咁靚既地方, 一定要試下住呢種pension以體驗富良野同美瑛一望無際的原野景色, 如果住番普通0係城市入面都住到既酒店就冇咩意思了. 而家book實左一間0係美瑛的, 距離JR美瑛站3KM, 約5分鐘車程, 30分鐘步程, 是我可以接受的範圍, 如果住既地方距離車站太遠我是不會考慮的, 因為始終諗到自己拎住大包細包既行李, 而且富良野同美瑛既交通實在都好原野, 雖然有JR又有巴士, 但係班次都係極為疏落的, 如果次次出入都要坐的士就無謂啦...

選擇住0係美瑛而唔係富良野, 因為有以下兩個原因

1. 美瑛D pension大部份比富良野0個D新淨同埋靚

2. 富良野D景點大部份距離車站唔遠, 落左JR或者巴士正常行一陣就會到, 但係美瑛D景點好散, 為左節省0係交通方面用既時間, 住0係美瑛, 然之後同佢借埋單車, 就可以好快咁去欣賞美瑛既景色, 免得再去預JR既疏落班次(美瑛主要有兩條踩單車觀光既MODEL COURSE)