[游记]05/06北陆东海游记

0630 起身! 係! 0630起身! 禽晚成晚出面好大風聲! We~ we~ 鬼叫咁聲... 加上第一晚未慣... 所以都醒左幾次...

0715 出門口! 雖然是香林坊, 不過樓下冇咩好食... 有幾間coffee shop咁, 求其入左間Mr Donut食左個炸包同飲左柸咖啡. 出面下著微微雨/雪.

食完慢慢行去兼六園... 沿途經過21世紀美術館, 影番幾張相先~

0800 兼六園真弓板入口到着, 我應該係第一個入場既遊客, 個賣飛亞姐在出面清理積雪, 見到我先入去賣飛, 賣完又走番出來清理, 仲同我講小心地面積雪, 好warm ^^

真弓板入口要上小小斜坡, 成個斜坡都係白雪雪, 不過全部都係新雪, 好好行~

上左斜坡就見到瓢池, 海石塔, 同夕顏亭

過左瓢池有一座小山丘, 過左小山丘就到霞ヶ池, 襯仲未有其他遊客, 快快手影下個徽軫灯籠先~

影影下又落起雪來... 入左間手信店避避... 晨早流流, 成班賣手信既歐巴桑, 加一個試食完又唔買既遊客... 氣氛有D怪怪地... 忽然有班local歐巴桑團入左來, 出面D雪又好似細左, 嘻嘻~ 閃番出去先~ :P

開始有D遊客入左來, 係日本人local團, 仲係"兼六園觀光記念"個牌後面影大合照... 仲有D駐場Photo同鏟雪既叔叔陸續開工...

落完雪個天光左好多, 影下幾棵唐崎松先~

過左D唐崎松呢邊冇咩人... 有棵好大既樹叫根上松, 有個唔知乜水人象... 其實除左湖同大樹好多植物都比雪遮住左, 我覺得夏天應該會靚D, 不過雪景有雪景靚... 依~ 有一家7口既雪人, 好得意~

行下行下已經到左南面既盡頭, 有個山丘, 要上樓級, 上面有個亭, 我覺得個亭乾淨得好離譜, 好似一粒塵都冇咁... 座左一陣... 四周一個人都冇... 好舒服~

落左個山丘就係成贊閣, 成贊閣係"加賀前田家奧方御殿"... 即係... 有錢人住既地方囉... ;;;

入場料600円, 地方都幾大, 不過唔比影相.

行完成贊閣去左時雨亭, 呢度可以免費參觀, 亦有末茶飲同和果子食.

我就叫左個700円末茶和果子set, 一入去就叫我座係tatami上面, 之後有和服女人送上和果子及末茶, 送上末茶時仲跪在我面前90度鞠躬! 好高級呀~ 嗯... 要慢慢dap真柸末茶先~ 我以為呢D和果子都係得個甜字唔方好食... 點知原來酸酸甜甜好好食~ :D

食完諗住著鞋走人... 點知個亞嬋叫我入另一間房, 原來呢邊仲靚! 見到出面個園景!

參觀完時雨亭都差唔多啦... 睇下張地圖睇下有咩景點未影相先... 依? 原來霞ヶ池果邊有條雁行橋點解頭先好似唔多覺眼咁既... 行番去睇下先... 哦~ 原來比雪遮住左, 兩頭又比雪封左, 可能太危險D叔叔冇鏟開條路出來比人行入去...

1030 行完兼六園出番來, 出面有條街有好多食店, 上網成日睇到呢道春天時既相, 好靚仲靚過京都, 而家就一般啦.

1045 兼六園桂板出口有條橋行過去金澤城公園... 係呢邊影過去石川門都幾靚... 金澤城公園係唔洗錢既, 但入去五十間長屋同三十間長屋就要錢, 過左石川門開始下起雪來, 仲越落越大, 好彩有個休息室, 入去避避先...

1115 都座左好耐... 但出面D雪好似冇細到... 諗左好耐... 好唔好去食飯先... 不過似乎太早... 咁等都唔係辦法... 不如過去21世界美術館hea陣...

沿路係兼六園出面見到地上有隻烏鴉死左... 應該係岩岩死因為身上冇咩積雪... 唔通係凍死? 唔知點解企係道望左一陣... 覺得好慘...

1130 入到21世紀美術館... 依~ 有免費上網... send番個e-mail先...

21世紀美術館有地面及地庫二層, 成間圓碌碌, 白雪雪, 好多玻璃窗好多陽光, 好多space, 幾舒服 ... 展覽既地方都在中間, 分一間間房咁, 要比錢入去睇既... 外圍就有D比人休息既櫈, 有間shop有D精品同參考書賣, 有間cafe, 仲有間閱讀室裡面放左好多美術書籍, 全部都唔洗錢...

行左一個圈... 出面D雪都冇細到... 睇下做緊咩展覽先... 原來做緊一個叫『Alternative Paradise～もうひとつの楽園』既展覽, D展品好似都幾得意... 下?!?! 要1,200円??? 真係以為自己眼花 @_@ 因為印象中旅遊書同網頁都好似冇咁貴... 諗左好耐... 都係入啦... 一場來到... 出面又落大雪...

個展覽展出左十幾個藝術家既作品, 分別放係唔同既房內... 其實我都唔係好知果D係乜... 甚至唔係好知點樣形容我見到D咩... 不過都幾得意... 有一間房展示左一块布, 一块大約有三層樓高既布, 係用一块块約兩吋X兩吋既布仔車成既... 有一間既展品係一幅白色既牆... 個亞伯比左隻手套我叫我摸下... 不過我feel唔到D咩... 有間有兩块金屬上面有D圖案... 我望左一陣... 個工作人員走埋來同我解釋左一輪... 不過我完全唔知佢講咩... @_@ 有間有一個白色不規則既大氣球, 好似比細路仔捐入去玩果D, 不過質地有D似紗布... 個工作人員係咁叫我捐入去... 但個洞好細... 我冇入到去... 後來睇下張leaflet舊野好似係模仿人既皮膚既... 咁我又走番入去間房捐下個洞... 入到去原來有部水機, 一部好普通既水機, 有個牌寫住唔好觸摸D展品... 下? 我頭先捐入來時個身已經hi晒個波波架啦wor... 好難唔惦架wor... 個洞咁Q細... 定係指唔好惦部水機呢? 但部水機橫睇惦睇都同我公司果部一樣wor... 點會係展品呀? ... 諗左一陣... 都係惦下... 車! 都冇水出既... 都唔知搞咩... 出番來... @_@

1230 睇完展覽... 落個泳池睇下先~ 原來泳池係唔洗錢既, 不過要係其中一間房行樓梯落去... 落到去其實覺得冇咩特別, 而且好細(我諗約7呎X10呎), 襯冇人又開支腳架出來自拍一番先 ^^

最後去廁探... 個洗手盆幾特別, 一般都係出水同出泡, 呢個仲出埋風, 幾先進!

1245 係時候食野, 行番去兼六園格離既金沢さくら亭, 呢道係食加賀懷石料理既, 因為上次去京都覺得呢D野都係得個樣, 所以叫左個最平既夕顔(2,500円), 不過又幾