[游记]完梦之旅第三站――蓉城

6点，我地迫不得已要起床，经过琴日既10小时折磨后身心疲倦，但航空公司要求我地航班既所有人要系7点钟系宾馆大堂集中去机场。

7点，我地准时落到大堂，交佐房卡就赶上车。幸好！刚刚剩低两个座位，我地坐低一阵就出发往机场。琴晚黎既时候漆黑一片睇吾到周围既景色，而家走都系漆黑一片，吾可以欣赏松潘既景色，下次黎一定要黎松潘睇下，仲想去若尔盖草原。唉……因为太累，一路上继续闭目养神。

7点45分，又翻到哩个可恶既机场！落车就去搞登机手续◎◎ 因为时间尚早我地就影下哩个机场啦！◎◎合体之后就系“九寨黄龙机场”啦！哈哈！！·～～

8点15分，又入翻候机厅，唉……如此熟悉！希望今日可以顺顺利利啦！望出去见到天气好好，阳光灿烂。机场周围既山景好开阔，好舒服！如果吾系要赶住返工，即使要我继续误机都无问题，好可惜要返工呢！呆坐佐一阵，广播传出提供早餐――“康师傅”方便面！◎◎排队罗方便面。等待期间大家都不时关心有无飞机过黎，因为只要有飞机过来就有希望。琴晚地勤人员讲过，今朝会安排8点就有飞机从成都过黎。我地继续等，心情虽然仍然郁闷，但总觉得翻去既机会比琴晚大好多！

9点15分，欢腾既声音再一次响起，广播传出从成都飞往九寨机场既CA448Y(今日仲清楚记得航班编号，由此可见系多么深刻!)即将抵达机场。全个候机厅沸腾一片，好多人都鼓掌啦！我地当然好开心啦！开始收拾心情准备9点半登机！

9点半，当广播宣布CA448X(因为要换登机牌，所以航班号都改佐，但仍然清晰记得！哩个航班号)航班可以登机既时候，我地航班既人好快就去晒登机口排队！◎◎睇下每个人既表情，每个人都面带笑容，我霖虽然大家对九寨沟流连忘返，但滞留既折磨已经令大家“无鞋挽×走”，每个人都惊迟佐会出现变化。我地都马上执好野，走为上着！

10点，飞机准时起飞！！哩个起飞推迟佐二十几个小时！真系难得！真系得来不易！因为觉得眼皮好重，所以继续闭目养神！而翀翀呢，距就精神咯！系度睇机上既杂志！未等距睇完就听到广播传出“飞机已到达成都上空，成都地面温度6摄氏度”，机上全程历时45分钟，唉，等佐甘多个钟就系为佐哩45分钟！无语…… 不过总算平安到达！希望继续顺利啦！

其实如果乐观黎睇，应该要多谢误机！本来整个行程会系琴日结束，本来成都只系中转站，只停留三个钟左右，但而家我地可以有多D时间系成都行下，不过就系要请假一日，都算有收获。塞翁失马，焉知非福！

10点45分，我地到达成都双流机场。成都双流国际机场位于川西平原中部，距中国四川省成都市中心西南约16km，该机场原名双桂寺机场，1938年修建，1944年扩建，1956年12月12日，中央军委总参谋部批准将双桂寺机场划归民航使用，随即正式列为民航机场序列，又因为处在双流县，所以更名为“成都双流机场”。一落机我地就准备今日既行程，反正都请佐一日假，所以要玩尽距！！！！首先系去搞成都至广州既机票转签。系哩度又要多谢翀翀，因为转签既野全部都辛苦距！

11点15分，由于我地系零摄氏度以下既地方过来，一落机一阵就开始觉得热！哈哈！证明我地既保暖工作做得比较好！翀翀因为要奔波来回搞转签既野更加辛苦！查询航班、申请转签手续，翀翀来回几个柜台，个中既辛苦等翀翀自己讲啦，等大家吸取下经验！最后知道今日翻广州既航班有几趟，最后一班系20点45，因为我地要好好利用时间，去多D地方，所以我地就选择佐哩一趟航班。跟住我地系机场保管佐行李(40蚊)就开始我地既蓉城半日行！

对成都既第一感觉就系天色昏暗！可能系我地去既时候天气吾好挂，一到室外见到甘既天，心情都觉得好DOWN，果种感觉就好似系广州春天天暗暗想落雨甘！如果长期系甘既环境生活除佐抑郁之外，就系拖慢生活节奏，难怪听闻成都D人系中国各大城市里面最休闲、生活节奏比较慢既地方啦。我地打的出市区。系度要多谢翀翀同翀翀爸爸！原因何在呢？吾话比你知！

第一个目的地：琴台路亦称琴台古径，是成都市的珠宝一条街，市内大型珠宝搂在这里荟萃，也兼有餐饮店。全长900米，以汉唐仿古建筑群为依托，以司马相如和卓文君的爱情故事为主线，展示汉代礼仪、舞乐、宴饮等风土人情。琴台路处在成都市古建筑比较密集、文化气息比 较浓厚的地段，周围有杜甫草堂、青羊宫、百花潭、文化宫等古文化遗址及公园。周边建筑即使是现代商业建筑业多以坡屋顶造型、素色着色。琴台路既很好的融入这样一片祥和的古文化氛围中，又充分体现了自身的特点。琴台路比我既感觉就系好多卖金器珠宝店，其余就系火锅店和饭店。我地行佐一个来回肚都打鼓，黎到成都点可以吾打火锅呢？！经过久负盛名既“皇成老妈”本来想入去，但发现里面好似无乜人，行前少少一间装修都几靓既反而多人D，所以我地就选择佐哩间，不过已经吾记得果间野既名，如果翀翀记得既就补上啦！我地叫佐个鸳鸯火锅底，但其实全程我地都无点食辣果边，只记得个服务员成日叫我地试辣果边，晕～。吾辣果边既锅底有鱼，有番茄之类，锅底吾系好贵。之后我地就叫佐鹅肠、猪喉、牛肚、金针菇(同广州果D吾同，D味有D怪)◎◎其实火锅既味道同系广州食差吾多，不过记得个银耳羹几好，我地一人一碗！睇翀翀食得甘开心就知银耳羹好味啦！◎◎哩餐埋单好似系125定150.吾算好贵！

第二个目的地：宽窄巷子。我地来来回回又稳错方向，浪费佐一段时间终于步行到宽窄巷子。之前睇过报纸旅游版系成都有哩个景点，但其实好不解，究竟系一个咩地方呢？原来成都宽窄巷子位于成都下同仁路和长顺中街之间的宽巷子、窄巷子是蓉城街道的历史，旧时青砖旧时月。宽巷子、窄巷子起源于康熙五十七年（公元 1718 年），清廷动员全川力量修成都城。并在成都城西建满城，以驻八旗兵丁，满城当时亦称为少城。大街（宽巷子）居住满族文武官员，小胡同（窄巷子）则住满族士兵，等级森严，汉人严禁入内，两巷平行相邻，是清朝遗留下来的保存较为完整的古街道。宽窄巷子由宽巷子、窄巷子和井巷子三条平行排列的老式街道及四合院落群组成，是成都市三大历史文化保护区之一，是老成都“千年少城”城市格局和百年原真建筑格局的最后遗存，也是北方胡同文化和建筑风格在南方的“孤本”。按规划，控制面积为479亩，核心保护区108亩，“修旧如旧、保护为主”，“原址原貌、落架重修”。

宽窄巷子比我既感觉就系古街翻新，而且系好鬼“FB”！点解觉得甘“FB”？原因系巷子里面D铺头几乎全部都系酒吧，茶庄，客栈，小商铺，超级商业化！但最欣赏既就系每间店铺商业化得又好有特色，从门面装修到室内摆设，从店铺名称到摆系门口既广告牌，每一间都各有特色，各有性格！怪吾知吸引甘多“单反”过来啦！如果学室内外设计既朋友真系要黎偷师啦！◎◎途径经翀翀介绍食串甘既野！◎◎系米好似食得好辛苦呢？其实好好味噶！如果吾系翀翀都吾会食佐……哈哈！其实哩种小食就系状元坊卖两蚊串果D野，只不过黎到哩都加佐D芝麻而已。哈哈～～ ◎◎因为今日已经吾系假期所以巷子比较少人，行系巷子好舒服，感觉真系好“FB”，如果吾系赶时间的话，一定要稳间店铺坐低叹下茶，感受下闲情！◎◎无办法啦，下次有时间再黎感受啦！由于时间关系，我地又要去下个目的地。

第三个目的地：武候祠、锦里。未黎到锦里之前亦吾知哩个系咩地方，更加对哩个地名好困惑，究竟系边个锦，边个里呢？真奇怪！我地打的黎到武候祠门口。

武侯祠是全国唯一的君臣合祀祠庙，也是中国最大的诸葛亮祠堂，有“三国圣地”之美誉。这里有蜀汉政权时期几乎所有重要人物的塑像，这些熟悉的人物和他们演绎的故事会带领你穿越时空，重回一千多年前惊心动魄的战争年代。唐代诗人杜甫曾写有“丞相祠堂何处寻，锦官城外柏森森”的诗句，描绘的地方正是武候祠。 武候祠位于成都老南门外的武侯祠大街231号，占地3.7万平方米，始于公元223年建惠陵时，清康熙十一年重建。 因为门票60蚊，太贵啦！所以无入去。我地向前行就到佐锦里。锦里是西蜀历史上最古老、最具有商业气息的街道之一，早在秦汉、三国时期便闻名全国。今天的锦里依托成都武侯祠，以秦汉、三国精神为灵魂，明、清风貌作外表，川西民风、民俗作内容，扩大了三国文化的外延。在这条全长３５０米的街上，浓缩了成都生活的精华：有茶楼、客栈、酒楼、酒吧、戏台、风味小吃、工艺品、土特产，充分展现了四川民风民俗的独特魅力。@@

　　古戏台将定期上演川戏的经典剧目，戏台前会定期放映坝坝电影、以特色小摊的方式举行民间艺人的展演（如糖画、捏泥人、剪纸表演、皮影表演、西洋镜等）；@@

锦里有一条街系专卖小食既，经翀翀介绍食佐串好奇怪既野！一串菜包住萝卜之类冻既酸酸地、辣辣地既野！吾知叫咩名，亦吾记得影相！

离开哩度基本就结束我地既蓉城半日行，不过节目仲未完，翀翀带我去食佐样我未食过既成都名小食――蹄花。恕我继续孤陋寡闻，我未听过哩个食物系咩，经距介绍原来系猪手。我地打的黎到陕西路，因为听闻哩间够正宗！间店环境一般，好似普通小食店，可能因为太早(17点40分)，所以里面无食客，只有几个员工仲系度打牌。翀翀叫佐两碗“雪豆蹄花”。当我仲系度想象紧究竟系点样噶？！两碗“雪豆蹄花”就已经拿佐上黎！原来系一碗浓稠酽白的奶汤，里面有白嫩嫩淋淋既吾知猪手定猪脚，雪豆好似扁豆，但比扁豆大，好“淋”，入口即融，汤好鲜甜皮嫩，猪皮入口即化，真系好有新鲜感，但食得多就有D觉得腻，不过一碗刚刚好！据说蹄花还能美容嫩肤，所以很多成都美女喜欢吃，哩个可能就系成都靓女用黎美容既其中一种办法挂！

17点50分，因为我地要坐20点45分既飞机，所以我地准备打的去机场！(因为黎市区既时候个司机讲成都落班时间好塞车，而且而家搞紧地铁，哈哈，原来成都仲未有地铁既)我地系路边等佐好耐都无的士，有的士都系有客。无办法，我地只好行去另一个路口等，又等佐一阵，仍然系无的士。天色开始昏暗，又开始起风，冻佐好多。由于我地无乜打的经验，只好又换个地方等，但仍然都无，时间过得好快，我地开始心急。我地决定行远D睇下有无，行佐大概10分钟，翀翀离远见到的士，我地马上冲上去第一时间先上车再讲(因为有重庆比人拒载既经历，所以而家都惊又比人拒载)。好在，司机直接就车我地去机场。刚刚等车等佐大概20～30分钟，真系……

19点25分，我地去到机场，翀翀经过一场思想斗争+一番努力之后，最后都决定同我一齐翻广州。不过事情并无甘顺利，由于我地横跨三个航空公司：南航、川航、国航，又改签，所以手续好多而且好麻烦。20点15分，登机处既工作人员叫我地等下，等其他航空公司确认，天啊！距登机时间只有15分钟，如果真系搞吾掂，我米又要请假，救命！我吾想，亦吾敢再请假。此时此刻可以用心急如焚黎形容。翀翀亦都无晒意见，无晒表情。我地企系一边等消息。五分钟后！果个工作人员终于帮我地搞登机手续。我地马上去安检之后就登机！唉……终于松佐一口气！真系好惊今晚走吾到，因为哩趟航班系今日翻广州既最后一趟，即使距听日比我走，我都要请多一日假！果时就晕啦！

23点终于翻到广州！完满结束完梦之旅！不过大家吾好以为甘就顺利结束，仲有一件事令今次完梦之旅带上遗憾！欲知后事如何，请睇下回分解！