[游记]20070404暹粒，金边，曼谷(Siem.

June 18

20070404 暹粒，金邊，曼谷 (Siem Reap, Phnom Penh and Bangkok) - 啲人好壞 上

我對曼谷既印象可以用今次柬埔寨Tour Guide既金句泥概括：啲人好壞。因為上次我只不過係逗留咗短短廿多個鐘，就遇到幾個唔老實既人：

1. 一行出機場既禁區，就有位著制服既姐姐走埋泥，好熱心咁問我地由邊度泥，會去邊度，住響邊，開頭以為佢係好似香港啲旅遊大使咁，教啲旅客點樣去啲景點，解決吓啲疑問咁啦，但係講多兩講之後，佢既熱心就引起我既懷疑，我望吓後面啲counter，發覺原來佢係啲local tour既promoter，於是我就即刻叫啲friend唔好嘥時間即刻走。呢次其實冇乜損失，但係一踏入呢個城市就好似俾人呃咁，感覺始終唔係咁好。

2. 之後諗住落樓下搭的士入市區，去到的士站唔係就咁上的士，係要同啲counter講去邊，佢再響張單上面寫個價再俾個的士司機。不過之前響網上面睇過太多人話千祈唔好俾司機開價，一定要睇錶，所以我地就走埋去話meter, meter，但係好似都冇乜人理，搞到我地好似傻仔咁，之後再往後行又係有同一樣既counter，死死地氣走埋去又同佢講meter,meter，今次終於成功（其實都唔係太肯定），上咗車先算。

3. 開咗車先發覺原來個司機係唔係太知去邊間酒店，上到高速先叫我地俾個酒店名佢睇，之後佢又睇地圖，仲表演雙手離呔-0-．．．最後安全到達，但佢又話冇散紙，要