[游记]20070404暹粒，金边，曼谷(Siem.

June 25

20070404 暹粒，金邊，曼谷 (Siem Reap, Phnom Penh and Bangkok) - 啲人好壞 下

（續上）

4. 之後按照計劃咁遊覽完皇宮，為咗爭取時間，我就加快腳步走去碼頭方向，準備搭船到對面既黎明寺。到咗碼頭就突然有幾個大嬸問我地去邊，咁我咪話過對面黎明寺，咁個大嬸就響張單上面寫咗千二硃，叫我地俾錢，果時我唔知係中咗迷藥定俾鬼上身，竟然冇將果千二硃換算返係港幣幾錢就俾咗錢佢．．．跟住啲friend問我點解咁貴，我先醒返計一計，發覺要每人要七十幾蚊港幣！我記得睇過資料應該只要一兩蚊港幣．．．！冇計，唔俾都俾咗，都要坐。不過果啲艇就真係幾有特色，長長既艇身，船夫就響船尾，控制住一副好大既engine，非常有型，咁既價錢就當響Venice坐gondola啦。不過唔洗幾分鐘就到咗對岸，跟住個船夫就用啲有限既英文，示意二十分鐘後返泥接我地，咁我地就落船啦，一落船又要俾二十硃碼頭費，有冇搞錯？！參觀完黎明寺，諗住搵返個船夫返對岸，點知等咗好耐都唔見佢既踪影！跟住我地先發覺我地坐果啲其實係水上的士，仲有另外大型既渡輪先係一兩蚊船費．．．而最後我地都係要再用一兩蚊去搭渡輪返對岸。就係呢件事令呢個trip蒙上陰影，而我亦俾啲friend串咗好耐．．．相信將來既幾十年都會有人再提起呢件事。

5. 參觀完卧佛之後就諗住搭的士去翟度翟market，問咗好幾架的士先搵到架肯睇錶，以為可以鬆一口氣啦，點知個司機又神神化化咁，成日唔知佢講乜，仲行咗好耐都未到，懷疑有兜路之嫌，之後仲走咗去入Gas，嘥晒我地啲時間。最後到咗翟度翟之後又扮冇散紙找，要我地鬧爆佢先肯找啱錢。

6. 第二日又搭的士去機場，當見到機場既時候，我發覺我地尋日出市區都冇行過呢條路，都幾明顯係響機場外圍兜咗一個大圈先到離境大堂，不過冇証冇據同埋又走啦，都吹佢唔漲．．．

以上當然完全係我個人經歷同意見，但係有時又要有啲咁既經歷個trip先會特別難忘，不過大家去