[游记]20070404暹粒，金边，曼谷(Siem.

May 12

20070404 暹粒，金邊，曼谷 (Siem Reap, Phnom Penh and Bangkok) - 城市人

早前因為地震震斷左條海底電纜，導致網上大擠塞，好多人都話冇左Internet既生活好難過，而我就響柬埔寨經歷左一件比冇Internet痛苦百倍既事．．．

話說某晚七點幾響暹粒既一間餐廳食緊晚飯，一邊欣賞緊現場舞蹈節目，正當我研究緊個表演中既妹妹係咪成日望住我笑之際，音樂突然停左，全部燈光亦隨之熄滅，我起初以為係個節目加插既特別效果，幾秒後先意識到－－－停電．．．侍應都好熟練咁拎d蠟燭出泥做照明，由於風扇都唔能夠運作，所以室內既溫度逐漸升高，好彩我地都已經食飽，於是就埋單離開。

出到街上面只係有汽車既燈光，所以估計應該係全市停電吧。當導遊泥接我地既時候，我就即刻詢問當地停電情況，佢話每個月都會停兩三次，最長可以停兩三日！(我心諗有冇咁誇呀．．．）

雖然坐車返住宿既途中見到d酒店都仍然有電，但係果啲都係四五星級酒店，而我地住既地方只係偏遠既guest house（講緊偏遠其實都只不過係離市中心十分鐘車程．．．），所以我地只係抱住一線既希望會有電，而到達後果然係冇驚喜，四圍都蠋光閃閃，非常浪漫．．．

拎住支蠟燭返到房間，都唔知做乜好，電視冇得睇，連水都冇，行左成日成身臭汗，又冇理由撻落張牀度，走出露台坐，諗住冇咁熱，點知又有蚊咬，正盤算應該做咩既時候，終於得救啦，有返電，不過故事仲未完．．．

心諗唔知會唔會全市既人知道有返電就突然開返晒d電器，搞到再停電，不過都唔理得咁多，沖涼先，有驚無險，沖完舒服晒，跟住輪到個friend沖，真係估唔到我開口中，又停電．．．好彩個friend都差唔多沖完，我用支電筒照啲光入門罅，佢都好快搞掂。之後好努力嘗試去訓，但係完全訓唔到，真係好佩服同房既friend可以訓得著，唯有走去搵另外兩個friend睇下有乜搞，有定心理準備坐通宵，好彩上天對我地不薄，我一坐底就有返電，第一時間衝返去房開冷氣訓覺，之後都冇再停電，電力果然係人類最偉大既發明！

生活響大城市太耐，好多野都可以垂手可得，實在係好方便，