| 票价搜索 > 旅游景点 > 游记 > [游记]越南系列2--HK-西贡 |
[游记]越南系列2--HK-西贡 |
| 2010-07-04ctrip.com |
| 换好登机牌托运行李后，我地交谈中发现，居然我地两个都M。。。。不是吧~一个推迟、一个提前，真系~不过，当然唔会影响我地出行既心情啦，我只系期盼，一定要系到美奈之前结束啊~我系极之中意游水既，所以计算好日期。但，人算不如天算~只能咁样讲了~无得直接登机，要坐车车去到出边登机，可能某些亚洲既航班都系如此，唔受重视。越南航空及既姐姐都唔错，D衫--亦即系奥黛，真系要腰细既女仔着先会好睇咯。飞机餐好一般，除左水果好新鲜之外，其他乏善可陈，好挂住新航既美味飞机餐同哈根达斯雪糕~我同LING讨论左吓我既感情问题，不过，其实我自己已经有决定了，所以也只系当一个谈资而已。翻翻杂志，岩够时间睇完就到西贡了。越南时间比中国时间晚一小时，其实差别不大。一下飞机，热气扑面，再次乘车抵达航站楼。过关都算几快，需要填写一张出入境既DECLARAtION，飞机上空姐会派，其实就系你既一D基本资料同有无物品同现金要申报，只有你携带超过7000美金入境先需要申报，一般旅行都唔会带甘多钱系身啦~入境既时候要一齐卑海关检查，然后他会KUP印，KEEP住唔好掉咯。过关后就去罗我地既行李。我好快就见到亲爱既GIPGIP向我移动过黎，但LING既就一直未见，然后，她极力远眺，发现远处近传送带既地下有只箱好似她既，于是走过去检查一下，that's it...唔知边个咁无品，罗落黎睇完发现唔系自己既又唔放返上去。。。好，走得。我地走去机场近出口既地方，见到有越南航空换钱既柜台，决定系度换，因为身无分“盾”。本来换钱既重任交左卑LING，但她唔知睇咩网页话，越南禁止货币外流，所以唔可以换定先。。。不过无所谓啦，我地又唔系换十万九千七，都唔差个少少汇率。反正我地系机场换好似系18900左右，我指美金。然后，顺便订SHUttLE BUS去酒店，个柜台姐姐话8美金，我地开始以为每人8美金，然后她找钱卑我地，先发现，系8美金一部车！都几平啵~因为部车其实唔系真正既SHUttLE BUS啊，系tAXI。我通过AGENt订机票既时候，顺便订左第一晚既酒店，KINStON HOtEL, 根据网上既评价，位置比较中心，性价比算高。我地坐系的士度，第一次亲眼见识到越南蜂拥既摩托车群，真系好壮观。。。所有既车都好似陷入左呢个海洋一样，哈哈~~慢慢接近市中心，发现西贡，亦即系胡志明市，同大家想象既落后既越南会唔同，呢度有好多CAFE同酒吧，亦都有好几个大型既SHOPPING MALL，名牌店亦都好多。卑我感觉，呢度系美国车同日本车比较多，极少见到欧洲车。大概半个钟后，司机话，到了。我望左吓间酒店，咦。。。唔多似啵~我翻出自己张纸，指个地址卑司机睇，他研究左一阵，然后对下个姐姐卑他张纸，然后卑他个张我睇，妖，个姐姐写错左~于是又再次出发，大概5分钟后，终于到左我地要去既酒店。个BOY好快过黎帮我地罗行李，CHECK IN 都唔使2分钟就搞掂，几有效率。然后就上房咯，我地系1205，即系最高个层。嗯，间房都几可以。LING习惯性地给小费，我想了吓，好似越南是不用给小费的，不过无所谓啦。然后打电话卑刘生，他仲系公司忙紧，要大概个半钟后先过黎搵我地。我同LING决定趁呢个时间出去买SAIGON去MUINE既车飞，顺便问下DALAt飞SAIGON既机票价钱。其实原计划系DALAt坐车返SAIGON，但我见需要7-8小时既车程，觉得好浪费时间，仲不如坐飞机，越南内陆机票并唔贵，但由于之前上越南航空既网站，最平既票已经无了，网页上既人话其实D AGENt或者旅行社会平D，所以决定到呢边再买，我地唔系旺季，问题唔大。执拾停当，我地落楼，去FRONt DESK度罗地图，顺便问路，嗯，行过去SINH CAFE大概10几分钟，好，咁行过去啦。然后他地好贴心咁叫我地要保管好自己既钱物。行出去大概五分钟后，我地到左BEN tHANH MARKEt附近，再次亲身见识到好似蝗虫一样既摩托车群。过马路既时候LING忍唔住哇哇大叫，但，她又相当勇敢地与摩托车抢位，我很佩服~~然后我地就险象横生咁穿行系摩托车之间。发现自己不断淌汗，都唔知系因为天气热定系吓亲，呵呵。经过一轮认路同辨别，终于搵到SINH CAFE了，订好6.6下午3点去美奈既车票，每人5美金。但LING唔记得带晒D美金出黎，我地问左吓职员，机票她话最平既已经无了，其他既票其实几时订都可以，价钱无咩差别。越南既经济舱系分两个价格既，有特价同普通两种。特价票大概折人民币350左右，普通票折人民币大概400左右，差别唔会太大。我地林住第日反正系呢度附近住，到时过黎买都得。睇睇时间，都要返去了，于是我地开始返回酒店。返到酒店，刘生已经坐系度等紧我地了。我地都有两年几无见了，对上一次，系系广交会入边，个阵他同我讲，就要辞职返越南了。都好既，他个份工真系太辛苦，一日训得个4、5个钟。他问我要左我份行程表黎睇，然后望住我：“我觉得你可以做导游了！”呵呵~~我既觅食功课都做得唔错，因为，他今晚就系要带我地去我行程表入边其中一间传统越南菜馆--QUAN AN NGON。我地打车过去，到门口先发现，原来头先从机场过黎酒店既时候我地有经过呢度，哈哈。呢间野真系好多人，刘生话如果我地太早过黎，都系要等位既，不过他都预先订好位了。呢件餐厅系无空调既，所有就餐环境处于半开放式状态，但中间有个水池，水池上边不断咁洒紧水雾，天然空调~当然，有风扇既。而所有料理台是环绕住个餐厅既，你可以自己去睇制作过程，睇有咩系你有兴趣想食既。我地有地胆系度，基本上放弃，将点菜重任交卑他。不过我地都系有绕场一周，睇睇D咁有趣既野。好夸张，他点左三个唔同既PHO卑我地试，有扎肉汤PHO、猪手PHO同一个捞既檬，分别系越南三个唔同地区既特色，然后仲有竹蔗虾、椰汁煮螺、焗蚬、越南春卷、米糕。我同LING真系眼都大埋，三条友食甘多！！！我唯有同刘生讲，嗱，我地无话过自己大食啊，系中意食，唔代表食得多啵，你要努力啦。黎到东南亚国家，点可以唔饮椰汁？一人一只。呢度既人饮野都会加冰（热饮除外啦），系劲多冰。揽住个肚行出去，刘生苦笑：“你两条友真系唔掂，搞到我食到爆肚咁滞~”我笑望他：“但我真系无话过自己好食得啵，只系中意食者。”打车去返西贡既最中心区，我地落车散步，消化一下。呢个中心区既地价非常高，如果你有祖屋系度，恭喜，三代打跛脚都唔使忧。动则十几万一方既价格，毫不逊色于香港。西贡既中心区系第一郡，旅游区、经济中心；第5郡系华人聚居既地方，第7郡是新开发区，第10郡属于中等水平，其他地区则稍差。从人数上讲，当然除越南人外，华人最多，但如果从比例上计算，其实越南最多的外国人是韩国人，其次日本人。越南的日用消费品和一些价格低廉既小商品多来自中国，但较高档既商品则来自日韩。而眼所见，很多韩国和日本的公司在第一郡投资大型商场、酒店、写字楼，还有码头、船厂。其实，越南并无我们想象中落后，在亚洲地区，越南近两三年的发展速度可以排在前列。边行边倾，唔经唔觉我地沿住最中心区兜左个圈，然后刘生带我地去REX HOtEL既顶楼饮野。呢间酒店差唔多系越南最早既五星级酒店了，所以它既内部仲保有好多有越南特色既木雕，当然，亦都比较陈旧。上到顶楼，又系露天既，不过到左夜晚，反而唔会好热，有少少风。点杯柠檬汁消滞。有个法国伯伯系度唱歌兼主持，呵呵。然后讲起我地各自系旅程中遇到既奇怪遭遇，相当有趣。而即场拍出黎既照片也笑料甚多，不用P都很有效果，啊哈哈哈。不觉间已到12点，决定回酒店洗漱。明早将是我和LING既二人活动时间，刘生中午才会出现。待续。 |
| 转自:http://destguides.ctrip.com/journals-review-d434-r1299833-journals.html217阅读 |
游记文章由机器自动选取，来自其它网站，不代表票价网观点。 |
网友评论： |
| 共0篇回复 «上一页 下一页» |