| 票价搜索 > 旅游景点 > 游记 > [游记]越南系列11-美奈、大叻 |
[游记]越南系列11-美奈、大叻 |
| 2010-08-05ctrip.com |
| 睡到自然醒，然后又去食无敌海景自助早餐！搞掂之后，我地步行10分钟去邮局寄POStCARD。跟住返酒店坐系餐厅凉亭度研究左吓我地系大叻既行程，补D相。然后返房执拾行李。我地系中午一点既车，但早餐食得太饱，反而一D饥饿既感觉都无，于是就忽略左午餐～反正车上会有免费水，仲有表哥买卑我地既糖同埋椰子系HAWAII买既一罐NUtS。后黎先觉得呢个决定真系错误～SINH CAFE既车可以去到酒店门口接我地，所以我地只要系酒店大堂等就得了。车上其实坐左好多人了已经，但前边依然无人坐，于是，我地又按照黎个阵既位坐。当时仲有大概4、5个吉位。司机帮我地搬完行李之后就开车了。开出左一段路，我见司机始终无卑水我地既意思，忍唔住开口问他。他先恍然大悟甘“啊”左一声，然后好唔好意思甘话，我唔记得罗水上黎。。。唔系系化。。。但就算我打他一身，都无补于事了～唉～出到市镇，系间酒店门口，又上左一大班本地人，立即塞满晒成部车，同我地黎美奈既时候真系天渊之别了。有老有少，应该系一家人去或者黎旅行既，最后生既哥哥仔应该系高中或者大学生，一上车就开始睇书，总系有D人开车睇书都唔会头晕既～佩服～有左西贡到美奈既坐车经验同埋网上做既功课，我知道美奈去大叻既车程系一次唔会太舒服既长征。果然，出左市区无耐，就好似入左条乡间小路一样，而路上时不时仲会因为狗或者牛既阻挡而要停落黎。而大概行驶左一个几钟之后，我地开始了盘山路之旅。天亦都开始落起雨黎。个条系真正既盘山路，坡度大、路窄（仅仅过到两部车），而且，过左大概一个钟头，当我地上到半山之后就开始有雾。于是我昏昏欲睡既情绪即刻烟消云散，当你极目远眺，会睇到绵延起伏的群山，而群山远处，突然好似有个缺口一样，出现一大块平原，个个系一个城镇，我地呢边阴雨绵绵，但个边可以话系万里无云，天气极好。真系好特别。玻璃开始起雾，可以知道出边气温都几低。大概行左半个几钟，司机系一个视野比较好既地方停车，居然话我地可以系度影相。。。不过都好啦，落车活动下。出边真系几冻，我着住长袖外套都觉得寒风刺骨～同车有班鬼仔鬼妹，无林过温差会甘大，仲着住背心短裤，一落车就系度不断跳，话自己就黎结冰了，呵呵～呢度可能系一个制高点了，突然间林起“十万大山”呢个词，呢度可能无十万大山，但目所能及，都系崇山峻岭，薄雾之中，似乎毫无尽头。林起以前同公司同事去韶关，三个钟头颠簸盘山公路，坐中间个个同事仲HUM亲个头，就系为左食餐蛇。。。啊哈哈哈～讲起食。。。觉得肚饿，但荒山野岭，边有地方卑你买野食呢～一问司机，仲有三个钟头先到目的地，GOD～越企越冻，啦啦林走返上车～上车之后，见到个个本地人哥哥仔（即系上车睇书个个）居然系车头前面拗腰。。。司机哥哥话，他肯定系度做紧瑜珈～～继续盘山之旅，最后终于都系训着左～再醒黎，雨停左，居然望到一个小镇，D房屋都系尖屋顶，漆成粉蓝、粉红、粉绿。。。好多种唔同颜色，好童话FEEL，咦，唔通到左？一问司机，未啊，不过一阵会停一下卑大家去洗手间，大概仲有一个钟头车程。呃～～好快，系一间类似住家既屋前边停低，大家争先恐后去洗手间。我又唔觉得呢度系杂货店啵，好似完全无卖野既～屋主既两个小朋友好奇甘望住我地呢班不速之客，仲不断同我地SAY HELLO。上车坐低一阵，司机都上左车，我见他手罗住一D用胶袋装住既饮品，肯定系冰啡啦～然后仲有两杯，嗯。。。唔会系卑我地既甘好吧？啊哈哈哈，系真咖！他上车之后就递左卑我，唔知系他内疚唔记得罗水上黎定系他见到我全程不到打喊露呢，嘻嘻～我递左杯卑椰子，她望左吓杯冰啡，犹豫左好耐～呵呵，甘系比较难为她，她都好少饮咖啡，怕苦，而且呢杯肯定系斋啡。我饮左啖，WOW，超正～～再返头望吓她，饮左一啖，块面LA埋一注，然后偷偷地放低杯咖啡～我就继续好开心甘捧住我杯冰啡饮咯。好快，我地又出左呢个城镇，天又开始落雨。系行左大概半个钟头既“省道”之后，出现左个收费站，而过左收费站之后，突然间变成左好靓既沥青路，而一D好似SOFItEL既酒店既招牌亦都开始出现。好快又开始上山既路，当然，因为大叻系系山上既城市啊嘛!天已经开始有D黑了，当我地入到大叻市区既时候，华灯初上，眼前有一条凹凸不平既两车道，连接住被一个好大既“坑”截开既两边城区。我开头望住个“坑”觉得有D奇怪，因为大得好无寻常。。。等我地过到对面，我突然间知道左个“坑”系咩了，春香湖！无水既春香湖～～～点解会无水既～～～待续。 |
| 转自:http://destguides.ctrip.com/journals-review-d1393-r1303517-journals.html222阅读 |
游记文章由机器自动选取，来自其它网站，不代表票价网观点。 |
网友评论： |
| 共0篇回复 «上一页 下一页» |