[游记]泰国沙美岛曼谷5天自悠行游记(下)

續上...

我就搭呢隻船返去喇....

OH~ 真係寫意~!

第3日: 由於中午就要離開呢個沙美島喇~! 所以我一早起身, 又去游水, 游去追下啲魚咁~ 哈~! 佢哋醒左, 跟埋黎游水, 佢哋啲傻佬搵左支竹話要黎捉魚喎, 真係低能既~! 上岸見到棵椰子樹, 3 個人用左好多係地下拾既物資, 諗左好多方法, 去摘棷子~! 結果, 王天不負有心人, 摘左2個返黎! 哈~! 但係冇工具開黎食喎! 結果都係遺棄係沙灘上面~! 然後就懐住依依不捨既心情離開呢個咁與世無爭既沙美島呀~! 真係唔捨得走~! 我真係好鍾意呢個地方~!

呢個就係佢哋3個男人咁辛苦摘落黎黎既椰子呀~!!

呢張相, 我懐住依依不捨既心情, 大家睇唔睇得出呢??

再黎睇多次沙美島既日落丫, 真係靚呀~!

返去曼谷~! 佢哋3個男人諗住去玩二級方程式, 所以就送左我去做spa先~! 用香薰油黎按摩真係好正, 按完之後成身香噴噴~! 但係佢哋就唔係幾好喇, 返黎接我走時我緊係問佢哋二級方程式正唔正啦~! 竟然.. 就係因為呢個tour guide既關係, 選擇搭的士唔搭GTS, 塞車錯失左啲時間~! 掃興而回~! 嘻~! 我最好人, 我冇串佢~!

GTS路線圖

泰國既地鐵同大陸既地鐵一樣架~! 呢個就係"飛"喇~!

跟住就去行左夜市, 係果度食埋飯, 叫左成十八碟野呀~! 完部都清晒呀~! 真犀利~! 然後就坐食塵既”篤篤車”返酒店~!

酒店外既風景

第4日: 去左市中心行街, 哈~! 我掃左好多Wacol, 咪笑啦~! 比香港平成半呀~! 唔買多幾個點得呀~! 跟住就去左做古法按摩~! 跟住又返去間spa度做熱石按摩, 好鬼正!! 夜晚, 去左china town度食翅同燕窩, 其實都麻麻哋, 叫做到此一遊啦~!

聞名以久既真材實料魚翅煲

我同金吉爸既放生儀式~!! 希望願望成真~!!

呢個唔知係咩生果黎架? 都幾好食, 食第一粒無味度, 但食食下好好味架~!!

第5日: 上晝去左話係全亞洲最大型既商場度行, 唉~! 好鬼悶~! 不過臨走都掃左幾個Wacol, 嘻! 慢慢等去夠鐘返酒店攞行李去機場度返香港喇!

我好鍾意呢個鹽同胡椒粉瓶呀~!!!

後記:

呢次自己去泰國玩真係正~! 可以自己去安排, 玩咩就咩~! 唔駛咁團啲時間咁迫~!! 真係正呀~!! 呢個沙美島不似得布吉島般咁多人, 唔駛同人迫, 尤其是農曆新年添~! 唔駛周圍見到都係香港人嘛~! 所以好有渡假FEEL架~!! 遊客都係鬼佬多~!!! 真係攞足100分呀~!!!

我真係好耐未見過好似找呢張相咁開心自然帶有滿足感既笑容喇~!!! 真係發自內心既~!! 無壓力~! 嘻~!!

但係... 去旅行真係非常開心既一件事黎既, 但要付出架~!!

就係要做金吉爸既阿四喇... 執行李, 幫佢揀衫襯褲, 執拾行裝.... 樣樣野都係佢點我做架....

有相為証架~!!!