[游记]泰relax100小时沙美岛游游记分享

由 Macy 發表於 週四 11月 04, 2004 12:41 pm

如果錢銀唔係一個大問題既,當然係去浮羅交怡啦!因為我想要一個陽光與海灘既假期,但又唔想再去芭堤雅,係銀糧短缺既情況下,沙美島似乎係我唯一既選擇.泰國飲飲食食都好平,而且十月仲未係泰國既旺季(十一月至四月至係泰國旺季),相對地,住宿都好平,唔使HKD500已經可以住到沙美島resort既beach front room,如果係住浮羅交怡既resort,根本就無乜可能,但由於聖誕節係泰國既非常旺季,我相信就算住沙美島resort既普通房,都要HKD500咁上下,既然係咁,不如去浮羅交怡無咁嬲喎!沙美島水係清,沙係幼,但除左游水外,其實都無乜其他水中活動(如浮潛同潛水),要諗諗自己係咪唔介意有無水中活動玩先,同埋夜晚好熱鬧,好有氣氛,但就唔係我住果間resort個灘,係另一邊,可以行過去,所以我覺得我間resort好好,夠靜之餘,想熱鬧既話,又可以行遠少少,但我估計應該都係浮羅交怡正D,但其實我未去過浮羅交怡,亦唔知浮羅交怡係點,你最好問問其他去過既朋友,因為我怕呢D只係我一廂情願既諗法.