[游记]越南爆笑团1115

越南爆笑團

11~15/9/06

hohohoho…..5天越南之旅在歡笑聲開始，亦在歡笑聲完結

11/9/06 雨天

下午乘坐越南航空往越南出發，短短的2小時飛機，耳邊不停聽到後方一位長者乘客的聲音，他大聲的由1數起，他想數下有幾個座位呢..Oh No…之後又聽到他不斷叫空姐拎咖啡、茶、酒，空姐也怕了他，他身傍的男乘客居然睡著了，真不可思議（原來他們都是團友…事後問男乘客為什麼會睡得著，他居然說如果我不扮睡，怎逃避他的滋擾，哈! 又幾好計喎）

第一天:DIAMOND PLAZA-古董自由街-夜遊西貢河-海上夜總會

一落機第一站就直奔DIAMOND PLAZA，一間高級百貨，香港賣的GUCCI、 BALLY這裡更加名貴，落雨行古董自由街冇咩特別不過買左D越南咖啡100G 16,000越南盾即係幾多錢 (咪將銀碼減去3個零除2即係8蚊港紙100G囉)，晚飯在船上的海上夜總會有女郎玩火表演呢。

12/9/06 雨天

在酒店吃早餐其間看到一些類似韓國男子同越南女仔相睇，嘩！靚仔到呀…真係以為火星人侵襲地球，D女仔樣貌都OK架全部都係後生女。

第二天:總統府-湄公河-天道教教壇-熱帶果園

總統府不是太華麗用樸實來形容吧，因為落大雨關係，我們座的觀光船令人有點不可靠的感覺，使我想起～乘風破浪“人人行前莫後退”好刺激呀…在天道教教壇又碰火星人同D女仔觀光，有d火星人仲對d女仔毛手毛腳..咦….唔係呀麻….之後去嘅熱帶果園，香蕉、火龍果、菠蘿、木瓜任食….我地食最多嘅就係木瓜啦-好鮮甜呀….

13/9/06 晴天

今日食早餐又係酒店見到班火星人，佢地已經成功登陸，因為入餐廳果時身邊嘅女伴穿著越南民俗服飾，還戴上金耳環和粗粗的金鍊，就係咁班火星人用左少量金器征服左D越南女仔。佢地用1日時間相識第2日就結婚啦。

第三天:戰爭博物館-聖母大教堂-郵政大樓-漆器廠- 耶穌山-水果市場

行完戰爭博物館先發現戰爭嘅殘酷，D恐佈酷刑真係~，聖母教堂幾靚喎，其間有位日本叔叔好好呀…佢好友善同有禮，佢主動幫我影相添，唔係因為佢幫我地影相就稱讚佢架，佢真係好有伸士風度。教堂傍邊嘅郵政大樓好有越南古式風味，我係郵局都買左D card 寄比朋友同自己，不過返到香港之後幾日先收到，我仲以為會寄失添，收到果時都好驚喜。至於漆器廠冇咩特別只係由一個售賣手工藝嘅地方。今日午餐係越南河粉任食，我食左2碗就飽飽，早知早餐唔去買法包食啦，不過路邊小店的法飽又真係好好味（法包夾住扎肉、青瓜加魚露同肉醬），實在係忍唔住呀，我地坐左2個幾小時去頭頓，在酒店稍作休息後就前往耶穌山朝聖..嘩..要行成900幾級樓梯先到山頂喎，係山頂可以見到頭頓全景，好辛苦呀不過好靚呀。夜晚去到水果市場買水果，又話越南D火龍果好食..醒唔起邊個講..唔好食嘅扼人,定係我地唔識揀呢。食飽飯我地仲去左酒店隔離間SARS DISCO..間野D音響超強勁，不過都冇人跳舞齋飲，跳得最勁都係我地班香港團友…是晚好好訓呀…唔知係跳得勀定係因為飲左酒嘅關係呢。

仲記得飛機上的嘈吵團友嗎..原來佢隻腳有D殘疾，不過我好佩服佢，雖然隻腳有缺憾但仍然一柺一柺行到耶穌山山頂..好野! 當我地上完山睇完落山嘅時候，他才行到一半上山路程，真係有毅力..唔!留意佢件格仔衫已經充滿汗水(呢件戰衣,就係大自然嘅烘乾下,佢著左3日(其實第4日佢都係著呢件衫,條牛仔褲我估佢著足左5日)實在有點嘔心。