[游记]公干之行KL(吉隆坡)!

引用檢舉公幹之行~KL(吉隆坡) !

網誌分類：Something |

網誌日期：2006-10-10 22:16

每年我公司都會係馬來西亞~吉隆坡 KL做兩次show，一次o係10月、另一次o係3月，今次我已經係第四次o黎KL，酒店都係住5星級o既Mandrain，工作依然，不過每次同皇太后一齊做show都好開心，您會發覺其實有時她的可愛之處，但今次有點不同，就係婆婆無去，妹姐代婆婆去，可能妹姐係泰國人份人講o野好屈，所以有時會言語上鬥鬥咀，佢咩都頂咀，佢仲叫我做“鐵咀雞”o添丫，激死我丫~!不過今次皇太后o既朋友個個好忙好唔得閒所以今次唔洗晚晚同d客食飯，唔洗好晚先返酒店，SO都唔係太累，反而有時去shopping o添丫~!

俾o下大家欣賞o下我d戰利品啦~!我係TOP SHOP買o左一個淺啡色皮袋RM133(HKD266)，我見到個牌歐羅賣33元，其實我幾喜歡TOP SHOP o既o野，佢用料唔錯，價錢又適中~! 馬來西亞買鞋又平又靚，又o岩減價，所以我都掃o左兩對鞋，不如大家估o下o里兩對鞋四左幾多錢呢? 5...4...3...2...1...0...ok~開估啦~!紅色鞋仔係RM42.1(HKD84.2)，黑色妹仔鞋R M45.28(HKD91)，大家話靚唔靚呢?著起o黎好舒服o下~!大家有機會去都去vincci & nose o里兩間鋪坶shop一o下，可能到時大家都買到滿載而歸呢