[游记]足本版-马来西亚游记

September 09

足本版-馬來西亞遊記

其實呢篇文.. 亦都考慮左幾耐,登唔登呢?由於寫寫下又冇乜心機寫, 而且,文筆非常麻麻既原故, 但今日係偶然既機會下, 喚起我係馬來西亞既回憶, 所以, 決定將呢篇係9個月前寫低既心情重見天日..........

27/1

期待已久的港台合作大馬之旅終於到了, 大家都懷著非常興奮的心情去到機場, 亦好順利咁飛到新加坡…但好境不常, 當大家都過完新加坡的海關後, mouse竟然被欄住左, 唔比過關, 當然, 佢緊唔係被通緝, 而只係佢實在變靚左太多, 令到海關認佢唔到, 經過一輪雞同鴨講後, 最後都順利過到, 與此同時, 面黑之旅亦正式開始…………………………

等齊人後, 我地開始展開漫長的過境之旅….先由新加坡機場坐mrt, 再坐巴士去唔知邊境……..拖住行李徒步橫跨新馬大僑,…………..幾經波折, 終於到達所謂既酒店….而我地既晚餐, 已經係10點既事啦

28/1

今日我地要從新山à吉隆坡機場, 再飛浮羅交怡

吸取昨日的教訓, 大家都打算食包d, 唔駛捱餓…前一晚仲講好, 大家可以食當地地道早餐, 但又唔知點解, 就要馬上去車站, 最後, 就買面包作早餐..我們由9:30一直坐車,到3點, 由原先的5小時車程, 一直塞車, 去到吉隆坡, 再行一段路….加上被馬來西亞人的老點…再經過人肉市場, 又不知再轉乘幾多程的地鐵, 終於到達吉隆坡機場, ;而此時的時間已經係 4:50, 哈…….一問之下, 班機已經起飛…………….突然覺得, 上唔到機, 反而係換來一刻的休息, 因為終於可以坐底食野啦……….冇錯, 睇返成日, 我地係沒食lunch….經過一輪的撲上撲落, 下一班6:00的機有2個位可以upgrade 為business class, 經過最後決定, 我地決定先搵2個上機, 之後的3人waiting……..而靜文, 我, 同老杜就係留係KL既三位幸運兒, 當我地知道6:00的機位, 我地亦上唔到後, 仲有一班8:00時, 大家已經開始動搖, 係咪要等埋呢, 定係決定當日留係KL玩算了……..而係等待的過程時, 我地亦好開心咁討論去邊玩, 住邊區…一切都plan好時, 個天好似對我地作對, 又比我地上機啦……………….而老杜亦用了一個比喻…….他說:”如果你問他莉嘉分手和現在能上機那個會比較開心……..他會說能上機”……..實在很喜歡他這個比喻

今日既晚餐時間, 10點幾11點

29/1

LANGKAWI 半日遊

吸取2日來的教訓, 我已學會不再讓自己捱餓….緊記有得食時好食既宗旨, 食飽飽早餐就開始半日遊, 係半日遊中我地識到Ashraf, 後來我地仲join埋佢地一齊去左兩個小島, 見到佢兩個朋友, 胖子跟stick, 當時見到真係有少許失望, 同埋覺得好似一對肥瘦賊, 如果今日一齊去半日遊既係胖子或係STICK, 我唸我地都唔會跟埋出去……..所以話呢, 外表係好重要的

夜晚仲去埋pub, 個pub真係幾好, 有海灘, 有liveband, 氣氛好好, 仲有最精彩既Ash對靜文唱情歌, WOH, 好浪漫呀…..

29/1 Langkawi à Penang

今日老杜塊面好黑呀…..完全唔講野….見到佢咁樣, 我都冇mood同佢講野, 夜晚, 我地join埋阿堅, 去左關角仔夜市, 由於阿堅佢地被我老點左去好遠, 攪到好夜先會合到, 最後, 老杜因為太餓既關係食先…而令氣氛更為尷尬……面黑情況亦越來越嚴重…

30/1 penang

由於關係持續惡劣, 所以, 今日係檳城的市內遊覽我地亦係分開左行, 係晚上, 當我沖完涼出來時, 老杜同我講, 話有跟我說, 當時已心知不妙…但冇唸過佢咁直接, 說:”我覺得你們排斥我”….我當然講冇啦…..之後, 佢就說了一大堆, 將佢受委屈的事出來……….而我又唔識答, 只好點頭, 不過最經典既莫過於佢一句, “老婆, 其實我還是很愛你啦”…..亦因為這句, 令我哈哈大笑, 打破疆局…….而全程我亦以笑來作為掩飾, 根本係冇解決過任何問題, 對於今次被人攤牌的感覺, 我覺得好無奈, 仲乜個矛頭好似指向我, 而且,佢所講既委屈, 我亦好唔認同, 去旅行係大圍事, 決定去邊亦係睇大家意願, 而家出現4比1既現象時, 唔可以說係我地排斥佢, 單獨行動係佢自己去選擇的…但最後佢就覺得係我地唔跟佢去…….佢既想法會唔會係有問題呢

31/1 KL

當大家既關係變好之際, 另一個面黑既人又冒起, 而今次既主角就係阿嘉…..而我地亦都秉承一向既宗旨, 對於面黑既人係採取不理的態度, 面黑是你的事, 我地亦會繼續我地既玩樂, 好可惜, 阿嘉冇吸取前人的教訓, 繼續面黑, 攪到自己相當無癮…到晚上, 佢忍不住, 再一次攤牌, 對於是次旅行, 連續兩天, 分別有兩個唔同的人同我攤牌, 我都感到相當既無奈, 為何偏偏又是我….不過, 好彩阿嘉都唔係一個難攪的人……..好快我地既關係又回復以前咁……………….另外要提一提既就係, 我地係central market買果汁時, 搭上左女版mouse, 佢既笑容認真可為烚熟, 亦都好攪笑, 只要一同佢傾計, 佢就會馬上將手頭上做緊既事停下, 好專心咁同我地傾計, 細問之下, 原來佢來自Napel, 只係來了馬來西亞2個月, 而我地當然唔會放過同靓仔影相既機會啦…

馬來西亞最後一站- 馬六甲

遇到小大人“妹妹”…一個只係得11歲既小朋友, 但佢就負責起我地入住酒店既一切, 佢既行為就如一個大人一樣, 但當然, 佢見到朱古力時既樣, 就會回復返一個小朋友既模樣, so cute….p.s. 其實唔可以叫酒店,應該叫民宿, 港幣$240蚊一晚三個人

既然講到呢次係黑面之旅, 去到馬六甲, 當然唔少得啦….而今次既主角-A, 我亦都唔方便講人名…等大家估下啦…(因為驚嘛, 話晒唔岩既係我) 話說因為我同某人-B將身上既馬幣都用晒, 唯有問同A借住錢買野啦, 仲唸住可以係銀行換返錢, 點知原來銀行係唔可以換錢的..而係馬六甲唯一找換店又關埋門…咁咪又問佢借多少…由於我地借錢的關係, 令A手上既錢都唔夠, 以致佢有小小心情不佳, 而我地亦好可憐咁度住d錢點洗, 當然去到最後一日, 亦係我地係馬來西亞最後一日, 我同阿b就將身上僅有既錢都花光光…1蚊都要買埋糖…..而阿A, 始終認為要留返d錢黎旁下身, 唔敢買野,係呢件事度, 我地可以睇到唔同人既性格…而我好明顯係及時行樂型啦!! 不過, 係今次事件入面, 我要在此鄭重多謝阿A, 多謝佢為了借錢比我地, 而令放棄左佢想買既野!!謝謝你!!我係記得的!!

新加坡

雖然話今次係去新加坡+馬來西亞, 但我地係新加坡的時間只係逗留左半日左右, 亦都冇去d咩地方, 但係值得一提既係, 新加坡的的士係可以碌卡, 呢件事幾值得我地去讚揚.

總括來說, 成個行程雖然係被比較辛苦及, 先徙步橫跨新馬海峽, 再而miss freight, 又黎黑面, 波折重重, 但下次去旅行的話, 我仍然會選擇自由行, 亦因為咁樣, 先可以令我地識到搭上唔同既人….同埋朋友間可以更了解對方, 而馬來西亞亦可以係叫好岩我住的地方…原因1. 皮膚出奇地好…係咁既天氣下, 居然冇爆瘡…2. 常常被人搭訕…就好似十日唔發市, 發市當三年, 將一生人被搭訕的機會一次係湧晒出來…係馬來西亞我地就係白淨馬拉?!

唔知大家有冇留意..全個行程, 在我筆下, 每個人都有黑