[游记]希腊,义大利之行

今日我哋只有兩個行程,仲好近,要去西班牙廣場同願望池,一級介備地搭地鐵,行兩步就到咗西班牙廣場,一條好大嘅樓梯,一倘好細嘅噴水池,就係咁,如果好似我哋無睇過金枝玉葉嘅(唔係張國榮個套,係幾十年前個套西片)就無乜特別感覺囉,影咗幾幅相就走去行名店,其實呢個節目唔係好啱我哋兩個,一來我對個d名牌一d興趣都無,二來我哋兩個t-shirt,牛仔褲,非常近似流浪look,當然唔係咁污漕,但絕對稱唔上身光頸靚,同d日本人比真係差好遠(題外話,我同肚腩b研究過,d日本人去旅行都裇衫,長裙,一定要帶熨斗,都應該幾重!)名店都係要行,如果唔係真係唔知做乜好,响廣場擴散開去個幾條街,乜名牌都有,有大部份牌子我都唔識,但一望個價錢牌就知係. 講返轉頭,當我哋影完相,落樓梯行去名店時,一唔小心,睇少咗一級,就"X柴",唔算好嚴重,但係就要坐咗成10min.先行到,行果時都有少少痛,都照去行名店,但真係唔係幾啱行,跟住就行咗去願望池,比想像中妯好多,周圍D樓都圍住晒,又影咗幾張相後就去食晏,唔知係咪坐得耐而無行,隻腳痛多咗又腫多咗,為有返酒店啦,呀肚腩B好擔心,但係我知無嘢,只係普通"X柴"! 不過都行完晒全部地方啦,返酒店休息吓都無乜所謂啦!

返到酒店真係腫咗少少,肚腩B好好,仲幫我按摩,Thank you!

新增回應