| 票价搜索 > 旅游景点 > 游记 > [游记]越南系列3--西贡 |
[游记]越南系列3--西贡 |
| 2010-07-04ctrip.com |
| 原先我系西贡既行程入边系有观看水上木偶剧同埋去FLOAtING MARKEt两项既，但由于水上木偶剧只有下午5点半一场，时间有冲突，结果无睇到。而FLOAtING MARKEt根据同SINH CAFE既事前咨询，一天团既话，从西贡去到个度需要大概三小时既车程，然后要参观完古芝地道先去，去到其实市场已经收市了。要睇呢个市场，要参加两天团，咁先可以系早上去到睇FLOAtING MARKEt。亦都系安排唔到，所以取消左。其实如果时间允许，呢两个地方都算系几有特色既。再次印证世事无完美，留待下次吧。训到九点先起身，搞搞震一轮之后出门。一行出门口，一个人力车伯伯就上黎拉客，我地示意唔需要，然后往前行，他紧追不舍。我同LING过马路，见到有个焗鸡蛋仔既阿姨，他地既鸡蛋仔系三角形既，LING话要食，我地于是埋去买咯。阿姨唔识英文，不过都可以沟通。个伯伯突然间又系隔离出现，同我地讲广东话。。。但系，你讲广东话都无用咖~我要食早餐，而且并唔打算坐人力车。。。唯有同他讲，我地唔需要导游，有朋友会来接我地，打发他走。伯伯终于离开，我见隔离既店有法包，就它啦！然后我呢个老土怪唔识得点样切个法包，个姐姐仔睇唔过眼，过黎帮我切~~~如果，你以一块西餐牛扒衡量，个扒好一般，但系，放入个法包度，加生菜、番茄同辣汁，非常好吃！再配买冰啡，超正！因为我呢个扒，呢个早餐唔算平，折返大概20文人民币，越南人民既生活水平都唔太低，餐厅入边都系越南本地人。食饱，出发，打车去第一郡中心区。西贡既的士好得人中意，司机好醒目，离远见到你都会驶埋黎，大部分都系大部既丰田，空间宽敞，车入边好干净。起表价钱介乎4-5元，所以系呢度出行都不用作他想。去边？歌剧院、市政厅咯。市政厅前既广场有胡志明伯伯既像，他抱住个小朋友。众所周知，胡志明系无小朋友既，呢个像既寓意系，他将自己一生奉献卑人民，视所有人民为他自己既子女。令我林起我既偶像--周恩来。每个国家都有他地值得尊敬既民族领袖，而呢种精神，鼓舞住世世代代既人。亦都令我林起某日睇财经节目，大部分既外国人认为，系中国做生意需要面对既，除左合作伙伴既诚信问题，仲有国家政策既不断变动以及地方政府、部门既繁复手续，其实讲得隐晦，就系两个方面，一个系法规的不明确性，一个系贪污腐败问题。汇丰既上海负责人认为，如果上海想成为世界级金融中心，单靠目前这种硬件和政府支持，永远达不到那个层次，除非有廉洁、透明既机制，好似香港。睇完之后，我地去革命博物馆。其实大家都知道，越南也是一个饱经战难既国家。有别国的侵略，亦有自行发动的侵略他国的战争，仲有内战。曾几何时，我国和越南的边境，相互报复式地埋下了数以万计的地雷，今时今日仍未清理完毕。当然，旅游区的已经在两国合力之下清完，所以无需太担心。其实我既行程中，全部回避所有同越战有关既博物馆同地方，太沉重，我既敏感可能令我负荷太多。今天的越南，只要你不竭力去深挖，很难将它跟当时的300万人丧生这个数字联系起来。博物馆里面虽然有战时的战斗机、直升机、坦克在，跟多的意义，也只是供人拍照而已了。而同时，有三对新人，正在这里拍摄婚纱照。这个博物馆坐落在宁静既市区某处，新人甜蜜灿烂的笑容，真的很有一种反射的作用。和平应该得到所有人的重视和珍惜，并努力维系。睇完博物馆，刘生来电，于是我地打车返酒店同他汇合。他带我地去位于第三郡同第五郡之间既一间PHO店--锦丽。呢度最出名既系牛肉PHO，都未行入去，阵阵牛香已经飘埋黎。就系一间店面稍大既店，好似广州街边既肠粉店。一见咁既架势，我地知道一定有地道好野食。不锈钢台面全部放住一盘盘生菜，系生既菜。胡志明呢度好少食熟既菜，都系生既为多，有柠檬叶、薄荷叶、细梗油麦菜、细梗通菜、芽菜，通常都系自行搣碎放入PHO入边。我要左生牛肉粉，加上配菜、柠檬汁、甜酱同辣汁，店入边既哥哥仔仲卑左我地一人一只碗仔，入边系一只生鸡蛋。我地望住地胆，睇他点用。点知他罗起碗，一昂头，饮左。。。呃。。。算了，我都系用返日式食法，打开然后用黎捞粉，都好正，哈哈。其实我觉得薄荷叶同柠檬叶既味都好劲，所以我都系放少少，而LING就获得刘生盛赞，话她好LOCAL，因为她真系好似当地人一样，加一大堆落个碗度。咁又真系啵，她食野真系好入乡随俗，适应性极其之好，除左咖啡咯，哈哈。再次想讲，如果你地觉得广州既PHO就系越南既PHO，其实系差别好大既。不过呢度既汤底真系好真材实料，好有牛肉香，估计系用牛骨熬左好耐既。加埋加冰百香果汁，岩好。食完PHO，刘生话带我地去第7郡行下。呢个系新开发既区，卑韩国一个大财团大手笔成个区买落黎开发，发展未成熟，不过环境好好，他自己都经常忙里偷闲去饮野。去到个边，环境真系几好，我地去到一间叫tOP It既YOGURt店，门前有好可爱既白色粉边藤椅，侧面一边可望街景，一面是大大既tOP It既广告牌。我地一人要左个YOGURt，呢个时候开始落雨，更加有籍口坐低慢慢叹。原来越南买屋--住屋，系要卑埋地价既，既系话，你买一套普通既大概90方既屋，要另外卑多30几万既地税，都几系野。。。 坐系度食吓雪糕倾下计，雨停了。跟住去边？待续。 |
| 转自:http://destguides.ctrip.com/journals-review-d434-r1299834-journals.html199阅读 |
游记文章由机器自动选取，来自其它网站，不代表票价网观点。 |
网友评论： |
| 共0篇回复 «上一页 下一页» |