[游记]首尔之行(5)

Day 5 (21/5/07)

最後一日，重點地方為明洞購物區，如果話東大門係台北／旺角，明洞就係涉谷／銅鑼灣。呢度d野比起東大門為便宜。

係明洞搵到隻wasabi紫菜，有d意外竟然搵到，咁我回港都叫做有手信交差。一次過買左兩大包，應該夠食既。

lunch又係自費，係附近KO左佢。發覺韓國好鐘意係食物加辣，叫左個意粉都加左唔少辣，唔食得辣會幾麻煩。

臨上車前食左支長32cm既雪糕，都唔錯，1000won食得過。

之後搭夜晚機回港，五日首爾之旅到此結束。

總結五日行程，首爾比我既感覺係好舒服，生活比起香港不太緊張（可能係香港太緊張），步伐較緩慢。香港太過商業化，金錢利益主導。炒股賭波賭馬風氣之盛，皆因急功近利而起。一生人花盡一生精力，為的只係為地產商打工。小孩從小開始便要被迫多元化發展，課餘時間都要進修，最好精通十八般武藝。成績成為量度小孩子成功的指標。成年人既利益主導思想，不知不覺間潛移默化到下一代身上。成年人生活上的壓力，亦間接轉移到子女身上。小孩子失去了應有的童真。所以80年代出生的我們已經比較幸運，當你見到而家d細路就