[游记]青岛,济南,泰山之行

岩岩過左去既復活節, 難得咁有5日紅字......即刻諗諗有咩地方去先~~~
最後因為只可以去4日, 同媽咪家姐揀選了泰山遊

4日時間走訪3地, 時間好趕 XDDDD

第一日 青島
果然好有歐洲 feel, 地方乾淨, 的士佬對遊客又友善
食海鮮都不錯呢, 值得再去, 因為今次只有半日時間遊青島, 未去嶗山呀~~~

唔講咁多.....睇幾幅青島相啦~

靚沙灘~~ 好有外國 FEEL~~ 小香港? XD 中間個古老建築有條橋駁住叫棧橋 同媽咪o係信號山既合照~ 終於同佢黎左佢想睇好耐既 青島德國建築群 當年德國人既總督府 第二日 濟南
一早起身去火車站搭4個鐘頭火車去濟南, 去到都點幾兩點
只玩得大明湖,都幾靚, 行一圈....煩惱盡消 XDDDD

湖中間有個島乾隆住過,個歷下亭.....靚~

不過D的士佬成日呃遊客的,又冇咩好食,應該唔會再黎旅遊
如果唔係泰山最近既大城市,真係唔會有遊客.....印象非常差

第三日 泰山
終於到左今個團既戲肉喇 XDDDD
因為唔知醒.....比預定時間遲左一個鐘, 連累四哥o係山腰等左我2個鐘 SOR呢~
山下既城市叫做泰安,環境好似去左東莞咁.....好亂的

先行行山腳既岱廟, 成個古城咁,成間廟好大, 供奉東嶽大神-泰山之神, 秦朝已經有架喇 行左半個鐘就坐遊遊巴上山腰-中天門,食 LUNCH(四哥請, 謝過~) 食飽飽後出發,遠遠望到山頂既南天門......我就不禁興奮,媽咪佢地見到就腳軟 XDDDDD
最後佢地行左好少路就走左去搭索道(吊車),o係上面等左我地2個鐘 行泰山好舒服, 好易行, 雖然話有 3千幾級, 但係因為每一級都好細級的, 唔會行得好攰 行到最後一段係最出名既泰山十八盤(1600級),上到去就見到媽咪喇 沿途冇咩景影,只有一條樓梯同好多石刻 (都幾悶) 反而上到山頂真係有 "一覽眾山小" 既感覺 搵間酒店放低晒 d 行李,就走去睇日落, 好大風,不過個"咸蛋黃"都幾靚 阿媽冇咩去戶外活動, 食完飯出黎返酒店, 抬頭望到繁星閃閃......異常興奮 XDDDD
不過因為好大風,所以都係返入酒店訓~~~~~
因為聽朝要 5:00 起身睇日出......所以十點訓喇

第四日 泰山,濟南
5:00起身喇......行出去, 成個山頭都係人, 睇日出既地方已經佈滿觀日出既人海
可惜雲太多......睇唔到日出 orz~~~~ 到天光晒, 人潮開始散時, 我地就遊覽下山頂
拱北石 - 泰山標誌, 必到景點 五嶽獨尊石刻 <--- 排隊影相處 XD 玉皇頂 - 泰山極頂, 歷代皇帝封禪既地方 行左2個鐘頭後, 返酒店CHECK OUT, 食埋早餐就搭索道落山喇
跟住即刻坐車返濟南,遊覽埋趵突泉就要去機場走LU~ 去到機場都要同的士佬鬧交,激死

4日旅程咁就完左LU~~~ 原來同阿媽去旅行真係幾煩 XDDDDDDDDDDDDD

P.S. 原來......"五嶽歸來不看山 黃山歸來不的嶽" 真係有D根據,去完泰山.....我反而想去多次黃山 XDDDDDDDDDD

新增回應