|
October 03 勁慘．．．終於都到左最後一日．．
今日係行程既最後一日
仲有半日左右就要離開東京．．．幾時先有得再來過．．＝．＝
今日我地要check out
尋晚我地以經執好晒o的行理
今日因為慳時間
早餐只係食尋晚o係便利店買番來既杯面
個包裝幾靚不過味道一般冇乜驚喜
只有五分
由於我地尋晚好似發左癲咁係咁買零食
所以o的行李係好full
我地帶住呢兩大代行李同埋零零細細既小代大代行李
好辛苦咁來到新宿jr車站
仲突登買多左一張上野站既車飛來留念
講開日本既jr列車
其實佢係我地呢幾日來o係日本既主要交通工具
因為東京路面交通係成日塞車
所以好多人都會搭呢o的列車
話晒搭左咁多日，有幾樣關於列車既特別地方都幾得意
第一就係車廂內係唔可以講電話，如果係o係優先座位（供老弱傷殘）附近更加係要熄電話
香港既戲院一樣係要熄電話不過睇緊果陣都係好多人勁響既
但係日本就唔同，真係冇人講，但個個都拿陪機出來send sms
第二就係日本有女性專用車卡，因為痴漢問題太嚴重
第三就係日本車卡入面係好靜唔知點解，冇人講野又冇人講電話，多數一係睇書一係訓覺
講番上野，去到果度我地好快就揾到上野站入面既大型locker
咁我地放晒我地o的行李入去
然後就o係上野呢度作為行程既終站
上野係一個算係舊少少落後少少既地方
我地第一個目的地就係呢度既ame橫因為呢度有好多平價既手信賣
好多人番香港之前都會去呢度因為呢度有大locker，check out左都唔驚
第二就係最後番港前來呢度買平價手信
咁行到來ame橫果度
好多小鋪頭
但最主要就賣o的日本乾貨野食好似魷魚絲，細隻蟹仔小食，元貝等等
因為前果幾日以經買得太多零食同埋精品做手信
所以見到果o的乾貨都唔係咁想買因為做手信好似好行貨咁
同埋佢地個包裝又唔靚
所以係好快就已經行完．．．
時間大約十一點左右，咁我地因為頭先個杯面唔好食同埋拿行李實在係太辛苦
所以就決定食午餐
上野呢o的地方要食野當然係去揾番o的老字號來食
呢度有間叫莑萊屋係食吉列豬扒既
都有一間係食鰻魚既老字號
我地選左食吉列炸豬扒
又係好順利好快就揾到呢間食炸豬扒莑萊屋
入面係座tatami，同埋有一位識講國語既女侍應
佢問我係咪韓國人，我話唔係係香港人，之後就介紹左個吉豬定食俾我地食（事實成間野都係得三種定食選擇）
個豬扒來左之後我地睇到同香港果o的日式吉列豬扒好唔同
佢係隻條圓柱體咁樣既
同埋佢冇咁多炸粉
食落口豬扒都算鬆，不過真係唔似香港果o的感覺係一半炸粉一半豬扒
佢係七成豬扒三成炸粉
可能係因為咁，食唔慣所以我覺得佢唔係話好好食
但係就好貴，圍番都要成二百幾蚊港紙一餐．．．
唔係咁扺，只得六分半
順帶一提去呢間野個厠所係好勁
又有洗pat機又有暖座厠板系統又有大小沖厠選擇又有噴香氣等等仲有好多不知明既功能
其實發覺好多日本厠所都好先進
唔先進都一定唔會話好臭同埋有o的屎係度冇沖度之類（p＆t個厠所．．．．） 食完呢個鋪老但價貴既豬扒之後
我地就去最後買野既衝刺
唔係名牌衫而係玩具
位於上野既坃具王國yoshiroya
樓高八層每層都有唔同既貨品主題好似二樓係迪士尼野，三樓係超人野之類
我係一位勁鐘意玩具既人
扭蛋盒蛋超合金模型等等我全部都arm
但係有時o係香港見到佢地咁貴我都唔捨得買
而家我地經過四日既日程之後發覺係仲有好多洗費用剩
所以我地就好開心咁用打算用呢o的錢來買香港唔捨得買既玩具啦
（雖然秋葉原已經買左一部份玩具）
上到去最開心莫過於有一層係專賣面包超人野既
我同小魚都勁鐘意面包超人 不過之前都有買左個面包超人雪櫃玩具所以呢度只係買左一條面包超人毛巾
之後買左比較貴同真係鐘意既有
黃金戰士超合金（香港有但比香港平少少）
稻中桌球部既figure set（香港冇＋勁鐘意睇呢套漫畫）
另外都o係呢度買左唔少精品做手信
買下買下．．．就以經到左廿點半左右
o係時候要番去拿番o的行理出發去機場啦．．．
臨走o係上野影左o的風影
好唔捨得咁步入去車站搭列車去番成田機場 最後我地用左一個鐘頭左右去到機場
辦理左o的登機手續之後我地去左食o係日本最後既一餐--＞麥當奴 日本既麥當奴有o的包係香港冇既（但日本都冇飯tastic果o的）
咁我地要左一個雞扒包一個炸蝦餅包
兩個包都好食由其係炸蝦餅包，加埋有七分半
不過有個發現就係日本食呢o的漢堡包快餐既時候 係唔興點茄汁既．．．
之前食幾間呢o的佢都冇俾到茄汁，望下人地都係冇落茄汁就咁食
我地見枱枱都冇就廢是出去問人有冇茄汁，怕又搞出笑料
食埋呢個最後的晚餐．．．．我地就要離境lu．．．．再見啦東京～～ 後感
我去過韓國同埋台灣玩
呢次去日本印象真係好深刻
因為個行程係自己plan
過程中自己行自己拿野自己揾車搭等等真係幾辛苦
有時揾左好耐都揾唔到我想去既地方真係好忟
我份人就係咁勁冇耐性所以會對小魚發脾氣我想同佢講sorry
不過一揾到想去果個地方之後我地又會即刻好開心好投入咁去玩
果五日對於我來講係近呢幾十年八年最開心既五日
自從上左大學，開頭成績唔好好唔開心，之後又個個sem都為左追番o的成績而死讀爛讀，好大壓力
出到來做野，第一次經過加人工時期，結果係人人都有得加人工我自己冇得加
人地問我點解冇，我心諗如果你生得樣衰咁我問你點解咁樣衰你解唔解釋到
之後一路做野越來越發覺原來唔係實事求事就會得到好回報
中學時代，大學時代果班friend又各有各既路要行
好日都見唔到面，見到都未必有以前傾得咁投契 人越來越靜，friend越來越少做野生活又唔開心
辭左份工之後多左揾少琴，我多謝佢成日陪我
對於佢我係唔見佢好耐都唔會有生疏既感覺，都係好friend好好傾
量地果兩個星期同你唱k打波行街打機我真係真係好開心好開心好開心
o係日本返來果一刻
真係想時光倒流到第一日再來過
人地話我打咁長咁大篇野出來記錄個旅行
其實係因為我返唔到去九月十九第一日去日本
但我真係驚我下年或者再下年既時候唔記得我o係日本做過乜
咁開心咁重要既回憶我希望十年之後我都仲記得我食過每一樣野係幾多分，買左o的咩戰利品，揾o的地方揾左幾耐
點都好，人梗係要往前看
而家我開始投入新既工作，新環境新同事新公司
我希望自己好快會適應
唔知幾時先會再好似呢年既九月咁有咁多開心既事好開心既回憶
不過既然必定要面對新工作新挑戰
我自己祝我自己工作順利，出來做野開開心心
彷彿當天跟你旅行 還未歸來
身體歸家 心卻已和我分開
長留攝氏四度的邊塞
相信在國外 你跟我 先可這麼相愛
回到這裡 萬人在與我競賽
一生都不出去也好 一街商店繼續掃
長居於此 何用再找地圖 疲勞時早報當被舖
如果肚餓了 拿草餅當飯
相愛到 忘了歸途 地底街 跟你終老 11:19 PM | Add a comment | Read comments 2 | Send a message | View trackbacks 0 | Blog it Comments
|
