|
星期六
哈哈哈哈哈哈~~~
一放工就去左灣仔買Yanzi隻碟喇~~!!!!
好靚呀~~!!!!!首首歌都好好聽~~!!
不過有D好聽o既歌都冇(好似<開始懂了>,<直來直往>等等.........)
買完就同大舊,Irene去旺角喇~~
hehehe~~好耐未見過Irene,好似好陌生咁~
不過之後就冇咁o既feel呀~~
去聯合,花園街都冇咩睇o岩.
一去到旺角中心就好似咩都好想買~~~!!!!
最尾都忍住手買左對鞋同衫~
大舊買左對返學鞋~~!!!(佢買D野太正經喇~)
Irene買左外套~~~
因為大舊想買波鞋,咁咪行波鞋街囉~
但睇落D價錢同銅鑼灣一樣,所以佢遲D先買~
休息左一陣之後都7點幾喇~~
但都繼續行呀~~仲有好多地方未行呀~~!!!
行左一個場買左條褲,Irene都買左~~~!!!
我睇中左件橙白橫間長袖衫o家~~!!
但個sales知我鍾意所以抬高個價($100呀!!!!)
當然最後係冇買喇~~
我想行信和,但知Irene唔想行,所以自己去行~
去信和都係想睇o下有冇<魔盜王>o既poster~
開頭唔知邊層有poster賣,所以逐層行~
吹到第三層全部都係賣咸碟........
底層先係賣外語戲o既poster~~~
有好多poster呀~但搵o黎搵去都冇.............
問負責人先知未有..................
hehehehehehe~~~!!!!
但我都搵到Johnny Depp o既poster(Chocolate o既poster)
好好好開心呀~~~~~~~!!!!!!!!!
行完信和搵番Irene同大舊去左瓊華,
佢o地都買左衫呀~~~!!!
我都想揀o家,但已經冇咩錢喇.................
漫無目的咁行左一陣就搭車返屋企喇~(都11點幾喇)
上層冇位所以同Irene坐下層~
之後我好狼狽咁落車(因為我拎住太多野喇!!!)
行左一陣先見到鎣鎣o係前面,本來想跑前去同佢say hi呀~
但望望o下見到佢隔離有個男人~
佢o地傾傾o下仲拖住手咁行走左囉~
個男人睇落好似30幾歲呀~唔係好高~~
o個一剎那覺得鎣鎣好陌生,點解佢會揀咁大年紀o既男人?
不過.................................
諗落好似由repeat f.4之後都冇再咁熟........
"陌生"一早已經存在喇................
但見到佢拖住o個個男人o既時候,
佢個樣真係笑得好sweet,咁樣已經知佢好幸福~
返到屋企好辛苦呀..........條腰好似斷左咁........
而且同媽咪講Canada好似又有咩病喎,
講o下講o下又話遲D先去喎............
真係失望,仲諗住去玩雪o家嘛............
咁唯有儲o下錢先囉~~
hehehehe~~
諗諗o下好想去法國搵Johnny Depp,
去新加坡搵Yanzi~~~~!!!!!
不過世界咁大,去到都見唔到呀............
o係香港咁細,想見o既人都見唔到喇.............. 評論(0) | 閱讀(17)
|
