[游记]好孩子2006东京游记Day4Part1原宿涉谷的日与夜

最新網誌

好孩子 2006 東京遊記 Day 4 Part 1 原宿涉谷的日與夜! 連發37幅相!

檢舉

網誌分類：好孩子東京06遊

2006/10/26 01:01:19

BACK TO 好孩子 2006 東京遊記 Day 3 Part 5 Bistro Target 6 北澤俱樂部

第四日, 大家有哂心理準備, 將會係行到腳斷既一日! 因為今日既景點原宿同涉谷, 只係"享受"行街既樂趣! 因為頭三日大家都早起身, 所以今日晏左少少, 十點起身, 十點九到 LOBBY BOOK しゃぶ禅位今晚食餐好, 酒店既 STAFF 真好人! 朝早連早餐都無食, 大家就去到原宿駅, 開始竹下通, 裹原宿, 表參道, 涉谷既路程。呢日好孩子兩手好唔得閒, 一手要揸機影相同又要拍片, 當日天氣仲熱得好緊要, 所以體力消耗得好快呢!

行程開始: 今日好孩子, 阿海同 Anton 第一次分道揚鑣! 因為好孩子要去 Johnnys 專門店揾 SMAP 既野, 所以同阿海 ANTON 分開行! 約定0係一個鐘後竹下通口等。過到去 Johnnys 專門店, 勁多 fans 0係入面買野, 應該有成三十個 fans 打蛇餅比錢買野! 閒日十一點都咁多人?! 全部都係女 fans!!! 好喇! 好孩子都唔理得奇異眼光, 開始揾 SMAP 既野! 數下先,瀧與翼, Kinki kids, Tokio, Kat-tun, 嵐...喂喂...SMAP 呢?!!! 即刻揾個 STAFF 黎講左一個單字: SMAP BU?! 個 STAFF 指左一件野比好孩子睇, 亦係全場唯一一樣 SMAP 既野...就係 SAMPLE BANG TOUR 既一個閃燈!!! 天呀!!! 千里迢迢諗住買舊 concert 既 official 紀念品...可惜空手而回 yoh! 好啦...落埋下層睇, 一推門, d 女 fans 定哂格, 佢地既眼神好似講: "點解有個男 fans 既???" 好孩子一眼掃哂四周, 全部都係 Kat-tun 龜梨和也, 赤西仁...咁滯!

閒日 Johnnys 專門店都好多人!

行番去竹下通睇下有無 d unofficial 既 SMAP 野買喇...沿途進左去幾間賣明星野既地方! 好孩子來來去去同人講四個名 SMAPBU, "烈拖 AH YA", "EAT 拖 ME 沙 KI", "姨 BI 蝦 LA U LI"! HAHA...結果好孩子買左七百幾元港幣明星野, 主要係 SMAP 同上戶彩既野呢!

買完野個袋即刻重哂, 又同阿海 ANTON 失散左個幾鐘...好在大家都0係竹下通某一段相遇番! 佢地去左 PEPPER LUNCH 食牛 YOH! 好孩子真慘, 連飯都未食就繼續行! 好熱好熱, 沿途都係行下, 係食左幾件炸薯餅, 熱到辣 C 人!!! 跟住落黎, 跟住我地都係一路行, 拍片影相咁, 宜家就帶你原宿涉谷一日遊啦! 睇相感受下啦!

0係竹下通同阿海 ANTON 失散左個幾鐘...好在大家都0係某一段相遇番! d 薯餅熱到我地跳舞!

之後我地穿過裹原宿, 兜番出去表參道, 0個陣時好孩子個袋袋住好多野, 潺仔寶既好孩子真係好攰 yoh!

番到香港先知 aya chan 企0係左表參道馬路上天橋位置, 好孩子之前都0係橋上影左幾幅既表參道馬路 yoh! 如果撞到 aya chan 就好喇! haha...

表參道路標!

Kiddy Land 好多層好多公仔, 可以帶女朋友去睇下!

呢邊就千祈唔好帶女朋友黎喇...因為超級名店 LV, Burberry...足以令你 look 爆卡!

又係 Kat-tun! 無處不在...

行左一段時間, 走入 d 名店混吉, haha...跟住我地休息左一陣, 就行去涉谷!

行去涉谷之前, 就0係阿海身後面馬路對面既快餐店度 "cha" 左好耐電!

穿過明治通小路, 屈下屈下就去到涉谷喇! 仲開始落起雨黎!!!

某街角~!

呢條街有動漫野 ga!

我地0係 Tokyu Hands 行左好耐, 真係行得最多既真係 Tokyu Hands!

跟住落黎好孩子同 ANTON 阿海又第二次分開行了! 因為大家想睇既野唔同呢! 好孩子要去睇書 YOH!

24 小時年中無休既激安殿堂, 日頭一定唔行啦!

好野! 去到 Book 1st 喇! 揾下有 D 咩書買先!

其中一本好孩子買既書, 0係呢幅相 yoh! 估下邊本?

買左 ja 書, 成個袋重左幾倍, 個膊頭完全唔係自己 yoh...

影呀! (唔係影靚女呀!)

又有靚女入鏡? 真係唔係! 真係影街呀...

有個"茶"字 woh! 你揾唔揾到 yoh?

沿途一丁無野做係咁影係咁拍! 唔知會唔會比人捉呢???

好驚 kiu 住手個男人過黎打好孩子...

Shibuya 109 下面!

又係 Kat-tun!!!

Aiko 宣傳 boh~! 都有 Kat-tun, 暈了...

咦咦咦...!!!!!!!!! 兩個偶像發見!!!!!! aya chan 同 ebi chan 呀!!!!!!!

邊行邊影~~~!

去到涉谷站個大馬路中心, 好孩子好中意呢度!!!

日劇 CALL ME CA~~!

咁影法, 好孩子會唔會比人以為係癡漢 GA....

戀愛地圖入面既伊東美咲就係0係度同陳柏霖相遇!

天黑喇...好孩子同 ANTON 阿海約左0係 HMV 等呢! 不過...

我地大家都聽錯時間, 所以去左好多次都見唔到大家呀...

行下行下都係一種享受! 因為可以呼吸日本既空氣!

同賣鞋 chain store ABC Mart 係咪有關 ga!

人越來越多喇! 好熱鬧 yoh! 要感受呢個氣氛, 一定要去一個地方, 0個度就係...

好孩子 2006 東京遊記 Day 4 Part 2 Shibuya 涉谷 Starbucks 下的人浪!

引用自：http://hk.myblog.yahoo.com/jw!8osotBqVHxhiFtwLVbo0VbLd4upPbg--/article?mid=5352

新增回應