[游记]06复活节浮罗交怡,吉隆坡之游记Day2

April 13

06復活節浮羅交怡, 吉隆坡之遊記 Day 2

Day 2 (9/4/2006)

早餐係Berjaya食, 我愛上兩樣野, 第一就係奄列, 好味到不得了, 第二樣係咖哩, 實在太惹味, 太醒神了。係食早餐既時候, 我貼上蚊貼, 係一個黃色既圓點, 我同其中一個團友講,

我: “喂, 你知唔知呢..馬來西亞都有賣旗架?”

佢話: “係咩, 係邊度買架??”

我: “出面之嘛…跟住我領隊已經忍唔住笑, 又話係呀..買左旗就唔會比蚊咬架啦!”

今日開始玩水啦!! 先去環島遊, 呢次係我第一次坐大飛 (快艇)啊~ 好好玩, 飛到中間有d位浪大d會成個人拋起的, 去左睇紅樹林啦, 去釣魚啦, 去睇餵鷹啦….果度有兩種鷹, 一種叫山鷹, 另一種係海鷹; 當Abang (師傅的馬拉文) 拋d雞皮係海面, 一大群鷹就會飛落黎“擔”, 然後飛走, 不過動作勁快, 差d影唔到相, 跟住因為雨勢比較大既關係, 原本要去孕婦島先, 就要推遲, 所以就係快艇上釣魚, 最初一放完魚絲, 就感覺到有重量, 點知原來係卡住石頭, 激死…. 有時候真正感覺到有魚上釣, 想抽上來, 但係已經比佢地走甩左, 再釣左陣, 我已經好想嘔, 所以唔能夠再釣了, d暈浪丸廢廢地,食左都仲係暈浪既。去到孕婦島, 係一個淡水地方, 不過由於我唔識游水, 以為無野好做, 但係Alan話果度水好深, 一定要著救生衣, 因為咁樣, 我反而落左水度扮游水, 爽得緊要!! 另外, 有另一個池養左好多塘蝨, 只要你放雙腳入去, 佢地就會不停咁R你腳板底, 痕死人, 不過我最驚呢, 就係佢地好多都有病既…個口好多都係爛既, 我就不期然諗…..點解佢地個口會爛呢?? 你估下?? 每日都咁多唔同既腳浸落去, 一諗到咁, 我就立即上番水, 咪攪我!

呢一日玩到3點幾就番酒店了。之後我同一對情侶就立即起行去做Spa, 今次既Spa我試左新野, 同一時間有兩個人做massage, 感覺唔錯, 因為我知道一粒鐘既massage實在太少了, 我鍾意個環境啊~ 夠大, 個按摩池